د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

اسماعیل خان: افغانستان د بحران د مخنیوي لپاره باید پوځي حکومت رامنځته شي

اسماعیل خان: افغانستان د بحران د مخنیوي لپاره باید پوځي حکومت رامنځته شي

Sep 10, 2018 - 16:59

هرات (پژواک، ١٩ وږی ٩٧): پخواني جهادي قوماندان محمد اسماعیل خان د راتلونکو ټاکنو بهیر ۵۰ سلنه له درغلیو ډک وباله او په هېواد کې د شته بحران د حل لپاره یې د نظامي حکومت د جوړېدو غوښتنه وکړه.

پخواني جهادي قوماندان محمد اسماعیل خان نن په هرات کې د «شهید اوونۍ» په ویاړ د خلکو یوې غونډې ته د خبرو پر مهال ګواښ وکړ چې که ټاکنې په دې ډول ترسره شي، دوی ته د منلو وړ نه دي.

هغه ټینګار وکړ: ((که حکومت د خلکو لپاره له دې زیاتې ستونزې رامنځته کړي موږ یې نه منو.))

اسماعیل خان په هېواد کې د بحران د لمنځه وړلو لپاره په افغانستان کې د نظامي حکومت په جوړېدو ټینګار وکړ او ویې ویل، د افغانستان په اوسني وضعیت کې باید له درې تر پنځو کلونو په دیکتاتوري سیستم پوځي حکومت رامنځته شي څو د اوسني بد وضعیت مخنیوی وشي.

هغه دغه راز ټينګار وکړ چې له دغه وضعیت څخه د خلاصون یوازېنۍ لار د ځانګړي نظامي حکومت جوړېدل دي او که دا ډول حکومت رامنځته نه شي اوسني ګواښونه، د بېګناه خلکو وژنې، فساد، نشه یي توکي او لسګونه نورې ستونزې به دوام ولري.

نوموړي له نړیوالې ټولنې وغوښتل چې افغانان له دغه وضعیت نه ستړي شوي او د لنډ مهاله حکومت په جوړېدو سره د رڼو ټاکنو لپاره زمینه برابره کړي.

دغه جهادي قومواندان د خپلو خبرو په دوام کې د هېواد، په ځانګړي ډول لوېدیځې حوزې پر اوسني وضعیت نیوکه وکړه او ويې ویل، افغانان هره ورځ لوېدیځه حوزه په ځانګړې ډول هرات پرېږدي او ځای یې د نورو ولایتونو اوسېدونکي نیسي.

دغه راز هغه ټینګار وکړ چې د پولیسو او ملي اردو د سرتېرو د مرګ ژوبلې په زیاتېدو به تر راتلونکي یو کال پورې د امنیتي ځواکونو په لیکو کې نور څوک جذب او ونه ګومارل شي.

په همدې حال کې د هرات والي محمد اصف رحیمي د «شهید اوونۍ» په نمنانځغونډه کې د هېواد د خپلواکۍ لپاره د مجاهدینو هڅې وستایلې.

هغه ټینګار وکړ چې د جګړې له قربانیانو سره باید هر اړخیزې مرستې وشي.

بلخوا د «شیهد اوونۍ» د لنمانځغونډې ګډونوالو د مجاهدینو په ځانګړې توګه احمدشاه مسعود کړنې وستایلې. دوی له حکومت څخه وغوښتل چې د جګړې د قربانیانو کورنیو ته دې ډېره پاملرنه وکړي.

ورته راپورونه:

نظر ورکړئ

اعلانونه

Advertisement