د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د کندوز په دشت ارچي کې د عامه نظم ١٥ پوليس وژل شوي

د کندوز په دشت ارچي کې د عامه نظم ١٥ پوليس وژل شوي

Sep 10, 2018 - 10:55

کندوز (پژواک، ١٩ وږى ٩٧): ځايي سرچينې وايي چې د کندوز ولايت په دشت ارچي ولسوالۍ کې د وسله والو طالبانو په يوه بريد کې د عامه نظم ٣٣ پوليسو ته مرګ ژوبله اوښتې ده.

د دغه ولايت يوې امنيتي سرچينې چې د نوم له څرګندولو يې ډډه کوله، د وږي په ١٩مه پژواک خبري اژانس ته وويل چې وسله والو طالبانو تېره شپه ١٢ بجې د دشت ارچي ولسوالۍ د امام صاحب د بندر په سيمه کې د عامه نظم پر پوستو ډله ييز بريدونه وکړل.

سرچينې زياته کړې چې په دغو بريدونو کې ١٥ پوليس وژل شوي او ١٨ نور ټپيان دي.

د سرچينې د معلوماتو له مخې، په مړو او ټپيانو کې د عامه نظم او سيمه ييزو پوليسو سرتېري شامل دي.

يادې امنيتي سرچينې وويل چې وسله والو طالبانو وسلې او مهمات هم له ځان سره وړي دي.

بلخوا د کندوز ولايتي شورا رييس محمد يوسف ايوبي بيا وايي چې د دشت ارچي په جګړه کې تر ٤٠ زياتو سرتېرو ته مرګ ژوبله اوښتې ده.

هغه پر دې مرګ ژوبلې د ژورې خواشینۍ څرګندولو تر څنګ وايي چې وسله والو طالبانو ډېر شمېر وسلې او مهمات هم وړي دي.

د دشت ارچي ولسوالۍ د بازار يوه اوسېدونکي شېرمحمد پژواک ته وويل چې جګړه ډېره سخته وه او دواړو لورو ته مرګ ژوبله اوښتې ده.

خو د کندوز د امنيې قوماندانۍ وياند انعام الدين رحماني جګړه تاييدوي خو د مرګ ژوبلې په اړه بې خبري ښيي.

وسله والو طالبانو تر اوسه په دې اړه څه نه دي ويلي.

د يادونې ده، په تېرو درېيو کلونو کې دې ولسوالۍ درې ځلې سقوط کړى دى.

ورته راپورونه:

نظر ورکړئ

اعلانونه

Advertisement