د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

"وسله والو مخالفینو ته د سرپل ښار د نیولو اجازه نه ورکوو"

"وسله والو مخالفینو ته د سرپل ښار د نیولو اجازه نه ورکوو"

Sep 11, 2018 - 16:52

سرپل (پژواک،٢٠ وږی ٩٧): د دولت ملاتړو سلګونه وسله والو په سرپل کې جوړې شوې ناستې ته وویل، د دولتي ځواکونو تر څنګ له وسله والو مخالفینو سره جګړه کوو او نه پرېږدو چې سرپل ولایت د د وسله والو مخالفانو لخوا سقوط وکړي.

دوی چې نن د سرپل په مرکز ګذرشاهان جومات کې راغونډ شوي وو او له حکومته وغوښتل چې د سرپل د امنیت ساتلو په برخه کې بې تفاوته پاتې نه شي او له خلکو سره په ګډه د وسله وال طالبان وځپي.

دا په داسې حال کې ده چې وسله والو طالبانو تېره دوشنبې د سرپل په مرکز پر امنیتي پوسیتو له دریو لوریو بریدونه وکړل. د راپورونو له مخې د وسله والو په دې برید کې د بلغلي په سیمه کې اتو امنیتي پوستو سقوط کړی دی.

د سرپل ولایتي شورا رییس محمد نور رحماني نننۍ غونډې ته وویل، سیمه ییز حکومت په ټول توان له وسله والو سره جګړه کړې خو مرکزي ادارې د دغه ولایت د امنیتي وضعیت د خرابېدو په برخه کې ملامت دی.

د هغه په خبره، د غونډې زیاتره ګډونوال سیمه ییز پولیس دي او په خپل شخصي لګښت یې وسلې اخیستې چې له یاد ولایت څخه پرې دفاع وکړي.

سیمه ييز پاڅون کوونکي د سیمې وسله وال اوسېدنکي دي چې له حکومت څخه په ملاتړ د دولت له وسله والو مخالفینو سره جګړه کوي.

رحماني له خلکو وغوښتل چې د سرپل ولایت د دفاع لپاره دې د وسله والو مخالفینو په مقابل کې ودرېږي.  

په همدې حال کې د پاڅون کوونکو قوماندان حاجي غلام مهدوي په یاده غونډه کې د سرپل اوسېدونکو ته په اشاره وویل، سیمه ییزو پاڅونونو له دې ولایت څخه دفاع کړې او وسله والو ته اجازه نه ورکوي چې سرپل ولایت ونیسي.

د سرپل ولایت د ملي امنیت رییس عثمان خان غونډې ته وویل، سیمه ییز حکومت تل د دغه ولایت د امنیتي خوندیتوب لپاره هڅې کړې خو په دې ولایت کې امنیتي تشکیل په هغه وخت پورې اړه لري چې سرپل د هېڅ ډول امنیتي پېښو شاهد نه و.

د نوموړي په خبره، په سرپل ولایت کې شته امنیتي ځواکونه کولای شي یوازې د مرکز د امنیت ساتنه وکړي او دا ستونزمنه ده چې ټول ولایت تر خپل پوښښ لاندې راولي.

د ملي امنیت رییس دغه راز وویل، د ځانګړې قطعې او کومانډو مرستندوی ځواکونه سرپل ولایت ته رسېدلي او له دې ځواکونو څخه په ګټه اخیستو به په دغه ولایت کې د وسله والو مخالفینو پر ضد عملیات ترسره کړي. 

ورته راپورونه:

نظر ورکړئ

اعلانونه

Advertisement