د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

جنرال دوستم له طالبانو سره د روان جنګ د مسوولانه پای ته رسېدو غوښتنه وکړه

جنرال دوستم له طالبانو سره د روان جنګ د مسوولانه پای ته رسېدو غوښتنه وکړه

Sep 13, 2018 - 18:00

مزار شريف ( پژواک، ٢٢وږی۹۷) : د ولسمشر لومړی مرستيال جنرال عبدالرشيد دوستم وايي چې د افغانستان روانه جګړه د هېڅ لوري په ګټه نه ده او د پای ته رسولو هڅې يې بايد لا ګړندۍ شي.

نوموړي د وږي په ٢٢مه، مزار شريف ښار کې د شهيد اوونۍ په مناسبت جوړې شوې غونډې ته په خپل لېږل شوي پيغام کې له طالبانو د روان جنګ د مسوولانه پای ته رسېدو غوښتنه کړې.

غونډې ته د جنرال دوستم پيغام د جنبش ګوند د مرستيال عزيزالله کارګر له خوا ولوستل شو چې له طالبانو څخه په کې د سولې د خبرو پيلولو غوښتنه شوې ده.

د ولسمشر لومړي مرستيال همدا راز شته فرصت د سولې لپاره مناسب ګڼلی او زياته کړې يې ده، چې هېواد کې د ټيکاو راتلو لپاره هيله مندي زياته شوې.

دوستم ويلي: (( نړيواله ټولنه زموږ نېک ګاونډيان او ټول افغانان د سولې او دايمې اوربند له داعيې څخه په ټينګه ملاتړ کوي.))

دوستم له طالبانو هم غوښتي چې د روانې ۴۰ کلنې جګړې د پای ته رسېدو په برخه کې دې مسوولانه چلند وکړي او د هېواد د ملي ګټو او وطندوستۍ په خاطر دې د مذاکراتو مېز ته سره کېني.

هغه همدا راز ويلي چې د روانې جګړې  د دوام ټول زيان افغانانو ته اوړي.

جنرال دوستم له خلکو هم غوښتنه کړې چې په يو غږ د سولې او پخلاينې له پروسې څخه ملاتړ وکړي.

دوستم زياته کړ، له ستونزو څخه د خلاصون يواځينۍ لاره دا ده، څو خلک يو موټی شي او د ثبات راوستو لپاره حرکت وکړي.

په ورته وخت کې د بلخ پخواني والي او د جمعيت ګوند اجرايي رييس عطامحمد نور هم په خلکو غږ وکړ چې هېواد کې د سولې او ټيکاو راتلو په موخه خپله لاس په کار شي.

هغه وويل، بهرنيان هېڅکله د افغانستان د جګړې پای ته رسېدل نه غواړي.

ورته راپورونه:

نظر ورکړئ

اعلانونه

Advertisement