د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د پوهنې رییس: ځينې کړۍ غواړي په ټاکنو کې د هرات پوهنه سیاسي کړي

د پوهنې رییس: ځينې کړۍ غواړي په ټاکنو کې د هرات پوهنه سیاسي کړي

Sep 15, 2018 - 19:35

هرات (پژواک، ۲۴ وږی ۹۷): د هرات د ولایتي شورا رییس د دغه ولایت د پوهنې د رییس عبدالرازق احمدي له دندې په ګوښه کېدو د ټينګار تر څنګ وايي، دغه کس باید ژر تر ژره له دندې ګوښه شي، که نه نو لاریون کوونکي به د تحصن خېمې ودروي.

د هرات د ولایتي شورا رییس کامران عليزايي، نن په خبري ناسته کې وویل، د ولسمشرۍ مقام د فرمان پر اساس د دغه ولایت د پوهنې رییس عبدالرازق د پوهنې وزارت د مشاور په توګه ټاکل شوی، خو دا حکم عملي شوی نه دی.

هغه زیاته کړه: ((د عبدالرازق په تړاو دې د ولسمشر حکم ژر تر ژره عملي شي، له دې پرته به د هرات ولایت د پوهنې ریاست په مخکې د تحصن خېمې ودروي او په ورته وخت کې به دا حکم په سترو بينرونو کې چاپ شي.))

د هرات د ولایتي شورا غړي غلام حبیب هاشمي هم وویل چې د هرات د پوهنې ریاست بست اعلان ته ورکړل شوی او د روح الله په نوم یو کس ورته د ازادې سیالۍ له لارې بریالۍ شوی دی.

هغه هیله مندي ښکاره کړه چې که چېرې نوموړی کس ژر تر ژره راشي، لاریون ته اړتیا نشته.

خو د هرات د والي ویاند جیلاني فرهاد وویل، تر اوسه د پوهنې رییس له دندې د ګوښه کېدو په اړه دوی ته حکم نه دی لېږل شوی او په هغه صورت کې چې دا حکم ورته ورسېږي، هرومرو یې عملي کوي.

 د ولسمشرۍ مقام حکم ته رسيدګي د ولایتي شورا د رییس دنده نه ده او د نورو خلکو په چارو کې باید مداخله ونه کړي.

نوموړي زیاته کړه، ځینې کړۍ غواړي د ده په ګوښه کېدو د ټاکنو په بهیر کې د پوهنې ریاست سیاسي کړي.

نوموړي ټینګار وکړ چې دغو کړیو ته به د پوهنې د سیاسي کېدو او په دې برخه کې د لاسوهنې اجازه ورنه کړي.

د ولایتي شورا د رییس او پوهنې د رییس تر منځ اختلافات تازه نه دي، څه موده وړاندې هم د ولایتي شورا د رییس د پلویانو له خوا د پوهنې ریاست مخې ته د تحصن خېمې درول شوې وې.

ورته راپورونه:

نظر ورکړئ

اعلانونه

Advertisement