د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

پکتیا کې د بهرنيو ځواکونو هوايي بريد ۱۳ ملکي وګړو ته مرګ ژوبله اړولې

پکتیا کې د بهرنيو ځواکونو هوايي بريد ۱۳ ملکي وګړو ته مرګ ژوبله اړولې

Sep 20, 2018 - 15:38

ګردېز (پژواک، ٢٩ وږى ٩٧): سيمه ييز چارواکي وايي چې د پکتيا په څمکنيو ولسوالۍ کې د بهرنيو ځواکونو په هوايي بريد کې درې ملکي وګړي وژل شوي او لس نور ټپيان دي.

د څمکنيو ولسوال عيدمحمد احمدزی وايي، پېښه نن له غرمې مخکې د دې ولسوالۍ په نوزي دره کې رامنځته شوه.

د احمدزي په خبره چې په ټپيانو کې ښځې او ماشومان هم شامل دي.

نوموړي په دې پېښه کې د وسله والو طالبانو د مرګ ژوبلې په اړه څه ونه ویل خو زياته يې کړه: ((بريد خارجي قواوو نن شاوخوا يوولس بجې په نوزي خوله کې کړی، لس ملکي کسان زخميان دي او درې مړه شوي دي.))

همدارنګه د څمکنيو په ګاونډ ډنډپټان ولسوالۍ کې د ماين چاودنې درې سرحدي پوليس ټپيان کړي دي.

د امنيې قوماندانۍ وياند سردارولي تبسم پژواک ته وويل چې چاودنه د ستيا په کلي کې د سرحدي پوليسو پر موټر شوې چې درې سرحدي پوليس په کې ټپيان شوي دي.

د سيمې يو اوسېدونکی مدين ستيوال هم وايي چې چاودنه غرمه مهال رامنځته شوه او څو سرحدي پوليس په کې ټپيان شول.

ورته راپورونه:

نظر ورکړئ

اعلانونه

Advertisement