د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

غزني کې د سولې په اړه د ښځو يوه لويه غونډه جوړه شوه

غزني کې د سولې په اړه د ښځو يوه لويه غونډه جوړه شوه

Sep 24, 2018 - 18:33

غزني ښار(پژواک،٢تله٩٧): د غزني په مرکز کې د جنګ بس دى تر نامه لاندې د ښځو يوه لويه غونډه ترسره شوه.

دغه غونډه د سولې عالي شورا د غړې حبيبې سرابي او د لومړۍ مېرمنۍ رولا غني د دفترونو په همکارۍ جوړه شوې وه.

په دې غونډه کې د سولې شورا غړې حبيبې سرابي وويل چې ښځو ته بايد چانس ورکړل شي ترڅو د سولې په راوستو کې خپل رول ولوبوي.

دې زياته کړه: (( سوله یوه ملي اړتیا ده او باید داسې يو میکانیزم ورته جوړ شي چې د هغه په مرسته نور جنګ ختم او دايمي سوله راشي.))

د هغې په وينا، په افغانستان کې د روانو جګړو له امله د نارينه وو ترڅنګ ښځو هم ډېره قرباني ورکړې ده.

دغه راز د لومړۍ مېرمنې سلاکارې فيروزه مشتري وويل چې حکومت شپه او ورځ د سولې راوستو لپاره هلې ځلې کوي.

دې زياته کړه: (( په هېواد کې چې کوم کارونه شوي او ښځو په کې ونډه نه درلوده هغه بيا د هېواد په کچه نه وو او ښه نتيجه يې هم نه درلوده.))

همدارنګه د غزني د ښځو چارو رييسې شکريه ولي وويل چې د دې ولايت ښځې هم د سولې راتګ تر نورو ډېرې خوشحاله دي.

هغې وويل: (( په دې ولايت کې اوس هم ښځې نه شي کولى په ازاده توګه دندو ته لاړې شي، نو ځکه د سولې د راتګ لپاره اړينې هلې ځلې کوي.))

يو شمېر نورو مېرمنو هم ورته څرګندونې وکړې.

د غونډې په پاى کې د غزني والي وحيدالله کليمزي وويل چې د سولې په پروسه کې حکومت تل هڅه کړې ترڅو د ښځو نظريات هم واخلي.

د والي په وينا، هيڅوک حق نه لري چې ښځې له خپلو حقوقو او نظر ورکولو څخه منع کړي.

دا لومړى ځل دى چې غزني کې په دومره لويه کچه د ښځو له خوا د سولې په تړاو غونډه جوړېږي.

نښه: 

ورته راپورونه:

نظر ورکړئ

اعلانونه

Advertisement