پلخمري(پژواک،٥تله٩٧): د بغلان په مرکز پلخمري کې سلګونو ښځو د يوې غونډې په ترڅ کې د جګړې پر ختمېدو او سولې ته د لومړيتوب په ورکولو ټينګار وکړ.
د سولې عالي شورا غړې ملالۍ شینوارې دې غوڼدې ته وويل چې د ښځو له خوا د سولې غوښتنې دغه پلان د لومړۍ مېرمنې رولا غني له لوري جوړ شوى دى.
دې وويل: (( په افغانستان کې د روانې جګړې عمر، په دې تالار کې د ناستو ټولو ښځو له عمر څخه ډېر دى، نور بايد غه جګړه ختمه شي.))
ملالۍ زیاته کړه چې حکومت به د وسله والو طالبانو په پرتله پياوړي وي، خو جګړه د افغان ځواکونو له توانه نوره لوړه ده، بايد د سولې لپاره جدي هلې ځلې وشي.
دغه راز د بغلان د ښځو چارو ريیسې خدیجې یقین د افغان مېرمنو پر یووالي د ټينګار ترڅنګ له وسله والو طالبانو د سولې غوښتنه وکړه .
نوموړې وویل :(( زه د یو افغان ناموس یم هغه چې ما وژني فکر دې وکړي چې د همدې خاورې ناموس یې وژلی دى، نو اوس له تاسو څخه ستاسو ناموس غواړي چې مه يې وژنئ.))
وروسته د بغلان والي عبدالحي نعمتي وويل چې وسله وال طالبان يواځې د افغان ځواکونو دښمنان دي او د سولې وړانديز د حکومت کمزرتيا بولي.
ده وويل: (( موږ کمزوري نه يو خو سوله هم غواړو.))
د يادونې ده چې تردې وړاندې په خوست، لوګر، پروان او غزني ولايتونو کې هم د ښځو له خوا ورته غونډې شوې دي.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن