د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

په کابل کې د بېځایه شوو مېشتغالو کې ماشومان په ناوړه حالت کې ژوند تېروي

په کابل کې د بېځایه شوو مېشتغالو کې ماشومان په ناوړه حالت کې ژوند تېروي

Oct 02, 2018 - 20:05

کابل (پژواک، ۱۰ تله ۹۷): یو شمېر بېځایه شوي ماشومان له ناوړه اقتصادي حالته چې دوی یې سختو او د واټونو پر سر کارونو  ته اړ ایستلي، شکایت کوي او له حکومت او مرستندویه بنسټونو څخه غواړي چې د کورنیو مشرانو ته یې کاري فرصتونه رامنځته کړي.

شاوخوا ۵۰ داخلي بېځایه شوو ماشومانو نن د ماشومانو غږ پروګرام کې چې د افغان ماشومانو لپاره د سرکس ښوونیزو دفتر (ACC) په نوښت په کابل کې جوړ شوی و، ګډون وکړ.

دغه کمپایني پروګرام چې یوه اونۍ مخکې د «ماشوم باید ماشوم وي» تر عنوان لاندې جوړ شوى و، په مېشتغالو کې د ماشومانو په ستونزو بحث کوي.

د څلورمې تصدۍ د مېشتغالو اوسېدونکې او د پنځم صنف زده کوونکې ذوالحجې وویل، په مېشتغالو کې ماشومان له ډېرو ستونزو سره مخامخ دي، زده کړو، د څښاک پاکو اوبو او روغتیايي مرکزونو ته نه لاسرسى، د درنو کارونو ترسره کول او له وخت مخکې ودونو ته د ماشومانو اړ ایستل هغه ستونزې دي چې د بېځایه شوو په مېشتغالو کې ماشومان ورسره لاس و ګرېوان دي.

هغې د اندېښنې په څرګندولو وویل، پلار یې څه موده مخکې روغتیايي مرکز ته د نه لاسرسي له امله ژوند له لاسه ورکړ او سږ کال له دې امله په ښوونځي کې ناکامه شوې چې مور یې ناروغه ده او پلار یې مړ شوی دی.

نوموړي زیاته کړه: ((زموږ ژمى ډېر په سختۍ تېرېږي، د سون مواد نه لرو، کور مو څڅېږي او نمجن کېږي، ټول د پښو درد لرو، ورور مې کاغذونه ټولوي، مور مې د خلکو ډوډۍ پخوي او زموږ لپاره پیسې پيدا کوي، خو دا پیسې زموږ د ژوند اړتیاوې نه شي پوره کولای.))

هغه چې غواړي په راتلونکې کې ډاکتره شي، وویل: ((هره ورځ د ګاونډي کور وینم چې برېښنا لري، افسوس کوم چې کاش موږ هم برېښنا درلودای چې شپه مو درس ویلای او اول نمره شوې وای او خپلو هیلو ته چې ډاکتر کېدل دي، رسېدلای.))

د افغان ماشومانو د ښوونیز او روزنيز سرکس مسوول خلیل الله حمید وویل، ماشومان په خېمو کې زده کړو ته لاسرسی نه لري او ان د دغو ماشومانو لپاره کوم تفریحي ځاى نشته.

نوموړي زیاته کړه چې د دغو خېمو ماشومان تل په درنو کارونو بوخت دي، په ماشومتوب کې واده ته مجبورېږي، په کورونو کې په نجونو ډېر کارونه کېږي، د ژمي لپاره د سون مواد هم په ماشومانو راټولېږي.

دى وايي: ((له ۲۰۰۲ کال راهیسې د سرکس ښوونیز، تفریحي، ټولنیز او ورزشي پروګرامونه لرو، تر څو دا ماشومان داسې احساس ونه کړي چې په سړه هوا کې له هېڅ ډول امکاناتو پرته ژوند کوي.))

د هغه په خبره، په کابل ښار کې له ۵۰ ډېر مېشتغالي موجود دي چې په هر يوه کې له ۸۰ ډېر ماشومان له دوی سره په زده کړو بوخت دي.

هغه وویل، په دې اونۍ کې یې ټول هغه دولتي او خصوصي مسوولین چې د ماشومانو په برخه کې کار کوي، راټول کړي و تر څو یې ستونزې واوري.

د یوې مرستندویې ادارې د پروګرامونو مدير حسین سعیدي د دې په روښانولو چې ماشوم باید ماشوم وي او درانه کارونه پرې ترسره نه شي، وویل: ((د ماشومانو زده کړو او روزنه کې باید هڅې وشي، روغتیايي خدمتونه ورته وړاندې شي، د سرکس، اکروبات، انځورګرۍ زده کړې باید ورکړل شي تر څو په راتلونکي کې خپله ښوونکي شي او په خپلو پښو ودرېږي.))

هغو ماشومانو چې په دې پروګرام کې یې ګډون کړی دی، له بغلان، کاپیسا، لغمان، کندوز او ننګرهار ولایتونو څخه د دوامدارې وچکالۍ او ناامنۍ له امله کابل ته پناه راوړې ده.

نښه: 

ورته راپورونه:

نظر ورکړئ

اعلانونه

Advertisement