د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

"د اندړو ولسوالۍ طالبانو نيولې ده"

"د اندړو ولسوالۍ طالبانو نيولې ده"

Oct 15, 2018 - 15:50

غزني ښار(پژواک،٢٣تله٩٧): د ولسي جرګې يو شمېر غړي او د اندړو اوسېدونکي وايي چې دغه ولسوالۍ وسله والو طالبانو نيولې ده، خو د ملي دفاع وزارت بيا دغه څرګندونې ردوي.

ولسي جرګه کې د غزني استازي علي اکبر قاسمي د تلې په ٢٣مه پژواک خبري اژانس ته وويل چې پرون وسله والو طالبانو د اندړو ولسوالۍ نيولې ده.

هغه وويل: (( ماته خلکو زنګ وهلى و او ويل يې چې د اندړو ولسوالۍ طالبانو نيولې، خو بيا مې چې چارواکو سره اړيکه ونيوله هغوى په دې اړه له څه ويلو ډډه وکړه.))

دغه راز په ولسي جرګه کې د غزني بل استازي چمن شاه اعتمادي هم وويل چې د اندړو ولسوالۍ سقوط شوې ده.

هغه وايي چې د نورو ولسواليو هم يواځې مرکزونه له حکومت سره دي، پاتې نورې سيمې يې طالبانو نيولې دي.

ده وويل، که حکومت د غزني امنيت ته جدي پاملرنه ونه کړي يو ځل بيا به دغه ولايت د طالبانو له لوى بريد سره مخ شي.

همدارنګه د اندړو اوسېدونکي رحيم الله پژواک ته وويل چې له ډېر وخت راهيسې دغه ولسوالۍ د طالبانو د بريد له جدي ګواښ سره مخ وه.

هغه وايي: ((څو مياشتې وړاندې طالبانو پر دې ولسوالۍ ډله ييز بريد وکړ، له هغه وروسته ډېرې سيمې يې د طالبانو په ولکه کې وې.))

د نوموړي په وينا، کومه قوي جګړه نه ده شوې، خو دا مهال د ولسوالۍ ودانۍ د طالبانو په واک کې ده.

خو د ملي دفاع وزارت ویاند جاوېد غفور بيا وایي چې د غزني د اندڔو ولسوالۍ د سقوط خبرونه بې اساسه دي.

هغه پژواک ته وويل: (( له دې چې د ولسوالۍ تعمیر په ژمي کې د ګټې وړ نه دی او بیارغولو ته اڔتیا لري، د ولسوالۍ اداري او نظامي پرسونل د لنډ وخت لپاره یوازې درې کیلومتره لرې په یو بل موقعیت کې مستقر شوی.

غفور زياتوي چې همدا اوس مهال د ولسوالۍ پخوانی تعمیر هم د امنیتي او دفاعي ځواکونو په ولکه کې دى.

بلخوا د غزني حکومتي چارواکو په دې اړه له څه ويلو ډډه وکړه.

خو بل لورته طالبان بيا د دې ولسوالۍ د سقوط خبره تاييدوي.

د دې ډلې وياند ذبيح الله مجاهد پژواک ته وويل چې طالبانو د اندړو د ولسوالۍ، امنيې قوماندانۍ او کنډک ودانۍ نيولې دي.

دى وايي چې د دې ولسوالۍ د نيولو پرمهال لسګونو امنيتي سرتېرو ته مرګ ژوبله اوښتې او وسلې او مهمات يې طالبانو ترلاسه کړي دي.

د يادونې ده چې شاوخوا درې مياشتې وړاندې طالبانو پر غزني ولايت ډله ييز بريد وکړ چې تر پنځه ورځنۍ جګړې وروسته د ملکي وګړو په ګډون سلګونو امنيتي سرتېرو او طالبانو ته مرګ ژوبله واوښته.

ورته راپورونه:

نظر ورکړئ

اعلانونه

Advertisement