د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د لوګر د پوهنې ریاست درې مدیران تښتول شوي

د لوګر د پوهنې ریاست درې مدیران تښتول شوي

Oct 18, 2018 - 13:40

پل علم (پژواک، ٢٦ تله ٩٧): د لوګر د پوهنې رياست چارواکي وايي چې ناپېژاندو وسله والو د دغه رياست درې مديران تښتولي دي.

د لوګر د پوهنې رياست يوه چارواکي د نوم نه اخيستو په شرط د تلې په ٢٦مه پژواک خبري اژانس ته وويل چې ناپېژاندو وسله والو تېره ورځ د پل علم- خوښۍ ولسوالۍ له لويې لارې د دغه رياست اړوند درې مديران له موټر سره يوځاى تښتولي دي.

هغه وايي چې په دغو کسانو کې د څارنې مدير ربيع الله حسين خېل، د بشري سرچينو مدير شا اغا اميري او اجرائيوي مدير عصمت الله شامل دي.

د نوموړي په وينا، يادو کسان د ولسي جرګې نوماند سيد صديق حسن زاده ته په ټاکنيز کمپاين بوخت وو چې د وسله والو له لوري تښتول شوي دي.

دغه راز د لوګر ولايتي شورا رييس حسيب الله ستانکزي هم تاييد کړه چې دغه کسان د ولسي جرګې نوماند ته په کمپاين بوخت وو چې د وسله والو له لوري بيول شوي دي.

د ولسمشر محمد اشرف غني د حکم له مخې، هېڅ دولتي کارکوونکي نه شي کولاى چې د کوم نوماند په ګټه يا ضد کمپاين وکړي.

خو د ولسي جرګې نوماند سيد صديق حسن زاده پژواک ته وويل چې يادو کسانو ده ته کمپاين نه کاوه.

 هغه وایې: ((د پوهنې ریاست تښتول شوي کارکوونکي زما په ټېم پورې اړه نه لري او نه پوهېږم چا او کوم لوري ته بيولي دي.))

دغه راز د لوګر د امنيې قوماندانۍ وياند شاپور احمدزي هم پژواک ته وويل چې د پوهنې رياست درې کارکوونکي تښتول شوي چې د خلاصون لپاره يې هلې ځلې روانې دي.

بلخوا د وسله والو طالبانو وياند ذبيح الله مجاهد د يادو کسانو په اړه پژواک ته بې خبري ښوده.

ورته راپورونه:

نظر ورکړئ

اعلانونه

Advertisement