د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

ولسمشرغني د کندهار په ګډون د هېواد امنیتي وضعیت وارزاوه

ولسمشرغني د کندهار په ګډون د هېواد امنیتي وضعیت وارزاوه

Oct 19, 2018 - 13:04

کابل (پژواک،٢٧تله ٩٧): ولسمشرمحمداشرف غني نن له غرمې مخکې د ملي دفاع وزارت د سوق او ادارې په مرکز کې  د کندهار په ګډون د ټول هېواد امنیتي وضعیت وارزاوه.

د ارګ له مطبوعاتي دفتر په خپره شوې خبرپاڼه کې راغلي چې ولسمشر اشرف غني په کندهار کې د پرونۍ پېښې له امله د امنیتي او دفاعي سکتور مسوولینو ته تسلیت ووایه .

سرچينه زياتوي چې همدارنګه ولسمشر د هېواد د امنیتي وضعیت د ښه والي په اړه مسوولينو ته لازمې لارښوونې وکړې.  

ولسمشر غني د ولسي جرګې ټاکنو د ښه ترسره کېدو لپاره د امنیتي او دفاعي ارګانونو مسوولینو د ټینګو امنیتي تدابیرو د قدردانۍ ترڅنګ د ملي امنیتي ځواکونو سرښندنې او د وسله والو مخالفينو د ځپلو په برخه کې د دوی اتلولۍ وستایلې.  

د يادونې ده چې تېره ورځ د( تلې ٢٦مه) شاوخوا څلور بجې د کندهار ولايت په مقام کې له يوې غونډې وروسته چې په کې د کندهار د امنيتي چارواکو ترڅنګ په افغانستان کې د ناټو ځواکونو عمومي قوماندان جنرال مېلر هم ګډون درلود، په يوه داخلي وسله وال بريد کې د کندهار امنيه قوماندان جنرال رازق او ددغه ولايت د ملي امنيت رييس جنرال عبدالمؤمن حسين خېل ووژل شول او د والي زلمي ويسا په ګډون يو شمېر کسان ټپيان شول. 

 تېره شپه ولسمشر غني د کندهار حالت د کنټرول لپاره د ملي امنيت د لوى رييس په مشرۍ يو لوړرتبه امنيتي پلاوى او د کومانډو ځواکونه دغه ولايت ته ولېږل. ولسمشر په خپل پيغام کې وويل چې د کندهار ولايت حالات تر ارزونې لاندې دي او د اعلى سرقوماندانۍ په غونډه کې يې د کندهار د وضعيت د سمون لپاره لازمې سپارښتنې کړې دي.

ولسمشر په داسې حال کې د هېواد امنيتي وضعيت اروزي چې ټاکل شوې سبا( د تلې په ٢٨مه) په هېواد کې د ولسي جرګې ټاکنې ترسره شي. 

ورته راپورونه:

نظر ورکړئ

اعلانونه

Advertisement