د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د پکتیا په زرمت کې څلور ملکي وګړي وژل شوي

د پکتیا په زرمت کې څلور ملکي وګړي وژل شوي

Oct 21, 2018 - 11:53

ګردېز (پژواک، ٢٩ تله ٩٧): د پکتيا په زرمت ولسوالۍ کې د امنيتي ځواکونو او طالبانو ترمنځ جګړه کې دوه ملکي وګړي وژل شوي، څلور ملکي وګړي او پنځه امنيتي سرتېري ټپيان شوي دي.

د پکتیا امنیه قوماندان مل پاسوال راز محمد مندوزي د تلې په ٢٩مه پژواک خبري اژانس ته وويل چې له نن سهار راهيسې د زرمت ولسوالۍ په مربوطاتو کې د افغان امنيتي ځواکونو او طالبانو ترمنځ جګړه روانه ده.

هغه وايي چې د دې جګړې په ترڅ کې طالبانو د زرمت ولسوالۍ په تعمير بازار د هاوان مرمۍ توغولې دي چې له امله يې يو ملکي وګړى وژل شوى او څلور ملکي وګړي او پنځه امنيتي سرتېري ټپيان شوي دي.

قوماندان د طالبانو د مرګ ژوبلې په اړه څه ونه ويل خو زياته يې کړه چې په ټپيانو کې څلور کومانډو سرتېري او يو پوليس شامل دي.

خو د زرمت ولسوالۍ د امنيې قوماندانۍ يوې سرچينې پژواک ته وويل چې د هاوان مرميو لګېدو له امله يوه ښځه او يو ماشوم وژل شوي او يو کس بل ټپي شوى دى.

وسله والو طالبانو تر اوسه په دې اړه څه نه دي ويلي خو دې ډلې د يوې اعلاميې په خپرولو سره ويلي چې له تېرې ورځې راهيسې طالبانو د هېواد په بېلابېلو سيمو کې ٤٠٧ بريدونه ترسره کړي چې په ترڅ کې یې لسګونو سرتېرو ته مرګ ژوبله اوښتې او وسلې او مهمات يې له منځه تللي دي.

د يادونې ده، له پرون راهيسې د ولسي جرګې نوماندانو ته د رايې ورکولو پروسه روانه ده.

ورته راپورونه:

نظر ورکړئ

اعلانونه

Advertisement