د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

قانع: فراه کې شل سرحدي سرتېري او ١٥ طالبان وژل شوي دي

قانع: فراه کې شل سرحدي سرتېري او ١٥ طالبان وژل شوي دي

Nov 06, 2018 - 12:16

فراه (پژواک، ١٥ لړم ٩٧): د فراه د ولايتي شورا يو غړى وايي، د فراه په پشتکوه ولسوالۍ کې د سرحدي ځواکونو پر کنډک په بريد کې ٢٠ سرحدي سرتېري او ١٥ طالبان وژل شوي.  

د فراه د ولايتي شورا غړي دادالله قانع پژواک خبري اژانس ته وويل چې طالبانو تېره شپه شاوخوا ١١ بجې د دغه ولايت د پشتکوه ولسوالۍ مرکز ته څېرمه د سرحدي ځواکونو پر يوه کنډک بريد وکړ.

هغه وايي چې دغه بريدد شپې تر دوو بجو يې دوام درلود.

ده د جزيياتو له ورکولو پرته وويل چې په دغه کنډک ٦٠ سرحدي سرتېري وو، چې ٢٠ يې وژل شوي، يو شمېر يې طالبانو نيولي، يو شمېر ورک دي، يو شمېر ټپيان او ځينې جوړ د ولسوالۍ مرکز ته تللي دي. 

د هغه په وينا، د کنډک شاوخوا سل ميله بېلابېلې وسلې طالبانو وړې دي.

ده وويل چې په دغه بريد کې شاوخوا ١٥ طالبان هم وژل شوي دي.  

قانع وايي چې اوس دغه کنډک بېرته د ملي اردو ځواکونه نيولى دى.    

د روح الله اوحفيظ الله په نومونو د سيمو دوو اوسېدونکو وويل چې طالبانو ياد کنډک تېره شپه ونيو، خو دوى يې د مرګ ژوبلې په اړه معلومات نه لري.

فراه کې د ملي اردو د لوا وياند نورالحق خالقي پر ياد کنډک بريد تاييدوي، خو وايي چې په اړه يې جزييات ورسره نشته.

د طالبانو وياند قاري يوسف احمدي ويلي چې په دغه بريد کې له دولتي ځواکونو څخه ٢٠ تنه وژل شوي او پنځه تنه يې طالبانو نيولي دي. دى وايي چې طالبانو د دولتي ځواکونو ډېرې وسلې او مهمات تر لاسه کړي دي.

ورته راپورونه:

نظر ورکړئ

اعلانونه

Advertisement