ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

لوى ملي ايتلاف: ډېر ژر به د ولسمشرۍ لپاره نوماند معرفي کړو

لوى ملي ايتلاف: ډېر ژر به د ولسمشرۍ لپاره نوماند معرفي کړو

author avatar
8 Nov 2018 - 16:21
لوى ملي ايتلاف: ډېر ژر به د ولسمشرۍ لپاره نوماند معرفي کړو
author avatar
8 Nov 2018 - 16:21

کابل (پژواک، ۱۷ لړم ۹۷): د افغانستان لوی ملي اېتلاف وايي، ډېر  ژر به راتلونکو ولسمشريزو ټاکنو ته خپل نوماند معرفي کړي او که ټاکنې وګټي د ولسمشر تر څنګ به د لومړي وزير څوکۍ هم رامنځته کړي.

دغه ايتلاف وايي، که ټاکنې وګټې د يو فرمان له مخې به د اجرائیه لومړي وزير څوکۍ رامنځته کړي او په فرمان کې به دا هم شامل وي چې ولسمشر او لومړى وزير دواړه به درې، درې مرستيالان لري.

ټاکل شوې د ولسمشرۍ ټاکنۍ د راتلونکي کال د وري په ۳۱ مه ترسره شي.

د لوی ملي ايتلاف د رهبرۍ شورا غړي احمدضيا مسعود، د دغه ايتلاف له يو شمېر غړو سره نن په کابل کې په ګډه خبري ناسته کې وويل چې ايتلاف د خپلو ځينو هغو غړو نوملړ جوړ کړى چې غواړي د ولسمشرۍ لپاره  نوماند شي.

ده د يادو کسانو نومونه ياد نه کړل خو ويې ويل چې دغه ايتلاف به  ډېر ژر په ياد نوملړ کې له شاملو کسانو څخه يو تن د راتلونکو ولسمشريزو ټاکنو لپاره نوماند کړي.

احمد ضيا مسعود وايي: "له دې سره، سره چې د هېواد د اساسي قانون له مخې ولسمشر بايد دوه مرستيالان ولري، موږ يو ولسمشر او درې مرستيالان او ورسره يو اجرائیه صدراعظم او درې مرستيالان په پام کې لرو او که ټاکنې وګټو نو په دې اړه به يو فرمان صادر کړو، څو لويه جرګه جوړه شي او په اساسي قانون کې بدلون راولي."

دغه ايتلاف د روان کال د زمري په مياشت کې رامنځته شوى دى.

ملي جنبش، جمعيت اسلامي، حزب وحدت اسلامي مردم افغانستان، د افغانستان نوې ملي جبهه او ځيني نور سياسي خوځښتونو د دې ايتلاف غړيتوب درلود، خو نوې ملي جبهه څور ورځې مخکې له دغه ايتلاف څخه ووته.

دغې جبهې د ايتلاف له خوا د لومړي وزير د څوکۍ رامنځته کول او ولسمشر ته د درېيو مرستيالانو په پام کې نيول، له ايتلاف څخه د وتو لوى لامل بللى و.

دا په داسې حال کې ده چې د ولسمشرۍ لپاره د ټاکنيزو ټکټونو د جوړولو په موخه د نورو سياسي ګوندونو او څېرو ترمنځ  هم چنې روانې دي.

د ولسي جرګې ټاکنې

login or register a new account.

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.