د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

په تخار کې د ملي اردو ١٤ سرتېري وژل شوي

په تخار کې د ملي اردو ١٤ سرتېري وژل شوي

Nov 08, 2018 - 09:32

تالقان (پژواک، ١٧ لړم ٩٧): د تخار په خواجه غار ولسوالۍ کې د وسله والو طالبانو په يوه بريد کې د ملي اردو ١٤ سرتېري وژل شوي دي.

د تخار  امنيه قوماندان  مل پاسوال عبدالرشيد بشير د لړم په ١٧مه پژواک خبري اژانس ته وويل چې د وسله والو طالبانو سرې قطعې پرون له غرمې وروسته د خواجه غار ولسوالۍ د چارتراش په سيمه کې د ملي اردو پر يوه مرکز بريد وکړ.

هغه زياته کړه چې په دغه بريد د ملي اردو ١٤ سرتېري وژل شوي او اووه تنه نور ټپيان شوي دي.

بشير وايي چې د پوليسو په ګډون تازه امنيتي ځواکونه سيمې ته ورسېدل او وسله وال طالبان يې تېښتې ته اړ کړل.

د نوموړي په وينا، په دغه کمپ کې ٥٥ سرتېري مېشت وو او که چېرې مرستندوى ځواک نه واى رسېدلى، ډېره مرګ ژوبله به اوښتې وه.

د تخار امنيه قوماندان وويل چې په دې نښته کې تر ٢٠ پورې وسله والو طالبانو ته هم مرګ ژوبله اوښتې ده.

نوموړي زياته کړه چې دا په دغه ولايت کې د طالبانو د سرې قطعې لومړى بريد و.

وسله والو طالبانو تر اوسه په دې اړه څه نه دي ويلي.

نښه: 

ورته راپورونه:

نظر ورکړئ

اعلانونه

Advertisement