د هرات والي استعفا وکړه

کابل (پژواک ١٩ لړم ٩٧): سرچينه وايي چې د هرات والي محمد اصف رحيمي له خپلې دندې استعفا کړې ده.

يادې سرچينې، پژواک خبري اژانس ته وويل چې د نوموړي استعفا د ولسمشر له خوا منظور شوې هم ده.

خو د نوموړي د استعفا لامل لا تراوسه نه دى څرګند.

رحيمي کابو له ٢٠١٤ راپدېخوا د هرات د والي په توګه دنده ترسره کوله او تر دې مخکې د کرنې، اوبو لګولو او مالدارۍ وزارت وزير و.

تېره ورځ د ميدان وردګو والي محمد عارف شاه جهان هم له خپلې دندې استعفا ورکړې وه.

login or register a new account.