ترينکوټ (پژواک، ٢٣ لړم ٩٧): د اروزګان په مرکز ترينکوټ ښار کې پر امنیتي پوستو د وسله والو طالبانو په يوه بريد کې دواړو لورو ته مرګ ژوبله اوښتې ده.
د دغه ولايت د ولايتي شورا مرستيال محمد کريم کريمي د لړم په ٢٣مه پژواک خبري اژانس ته وويل چې تېره شپه وسله والو طالبانو د ترينکوټ ښار اړوند د پاى ناوې په سيمه کې د ملي اردو او پوليسو پر ګـډې قرارګاه او پوستو بريدونه وکړل.
هغه زياته کړه، چې هلته تر سهاره سخته جګړه روانه وه چې له امله يې دواړو لورو ته مرګ ژوبله اوښتې ده.
د دغه ولايت يوې امنيتي سرچينې چې د نوم له څرګندولو يې ډډه کوله، پژواک ته وويل چې په دې نښته کې د ملي اردو او پوليسو ١٠ سرتېري وژل شوي او ٥ نور ټپيان دي.
د سرچينې په وينا، دغه راز په ځوابي بريدونو کې تر ١٥ پورې وسله وال طالبان هم وژل شوي او تر دې زيات نور ټپيان دي.
وسله والو طالبانو بيا ويلي چې قرارګاه او پوستو ته يې سقوط ورکړى او ٣١ سرتېرو ته يې مرګ ژوبله اړولې ده.
دا مرګ ژوبله په داسې حال کې اوښتې چې څو ورځې مخکې په ترينکوټ ښار کې د ګډو ځواکونو له خوا يو ځل بيا چاڼيز عمليات پيل شوي دي.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن