ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

وسله والو طالبانو يوتن له دولت سره د همکارۍ په تور وواژه

وسله والو طالبانو يوتن له دولت سره د همکارۍ په تور وواژه

author avatar
16 Nov 2018 - 10:29
وسله والو طالبانو يوتن له دولت سره د همکارۍ په تور وواژه
author avatar
16 Nov 2018 - 10:29

زرنج(پژواک،۲۵لړم۹۷):وسله والو طالبانو د نيمروز ولايت په خاشرود ولسوالۍ کې يوتن له دولت سره د همکارۍ په تور پر ډزو وژلى دى. 

 د خاشرود ولسوال حاجی جلیل وطن دوست پژواک ته ووويل چې دوه ورځې مخکې مازيګر مهال وسله والو طالبانو د دلارام- خاشرود پر لاره يوتن له دولت سره د همکارۍ په تور له يوه مسافر وړونکي موټر څخه ښکته کړى او پر ډزو يې وژلى دى. 

سرچينه وايي چې د دغه کس جسد د طالبانو له يوه ليک سره تېره ورځ مازيګر د زرنج –دلارام پر لار په خاشرود ولسوالۍ کې ترلاسه شوى . 

 د هغه په وينا، په ياد ليک کې ليکل شوي چې دغه کس مهرالله د شېر محمد زوى نومېږي، د جوزجان ولايت د فيض اباد ولسوالۍ اوسېدونکى او د قشلاق ګل قرارګاه قوماندان و .

 د ولسوال په خبره چې تراوسه د دغه تن وارثين نه دي پيدا شوي او جسد يې له دوى سره دى .

وسله والو طالبانو تراوسه پورې په دې اړه څه نه دي ويلي .

 

login or register a new account.

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.