کابل (پژواک ٢ ليندۍ ٩٧): د امريکا متحده ايالاتو ولسمشر ډونالډ ټرمپ وايي چې هېواد يې په افغانستان کې د سولې د ټينګښت په خاطر پر ډېرو جدو مذاکراتو بوخت دى.
بهرنيو رسنيو کښلي چې د امريکا ولسمشر، دغه مطلب تېره ورځ په فلوريډا ايالت کې له خبريالانو سره په خبرو کې کړې دي.
نوموړي د ياد شوي مطلب ترڅنګ ويلي: "خو نه پوهېږي چې دغه مذاکرات به برياليتوب ته ورسېږي که نه؟"
هغه دې ته په اشارې چې د افغانستان خلک له جګړې ستړي شوي، ويلي: "موږ اوسمهال په افغانستان کې د ډېرو جدي مذاکراتو په حال کې يو چې ښايي ډېر خلک د هغه په اړه خبر نه وي. دا به لومړى ځل وي او وبه ګورو چې څه پېښېږي؟ که بريالي شو، دا به يو ډېر ستر کار شوى وي او ترې خوشحاله به شو."
ډونالډ ټرمپ له خبريالانو سره تر خبرو مخکې په افغانستان کې له مېشتو امريکايي ځواکونو سره هم ټيلفوني خبرې کړي او افغانستان ته يې خپل احتمالي سفر ته اشاره هم کړې ده.
د افغانستان د سولې د مذاکراتو په اړه د ولسمشر ټرمپ د وروستيو څرګندونو موخه ښايي د طالبانو له استازو سره د زلمي خليلزاد کتنې وي.
د افغان سولې لپاره د امریکا ځانګړي استازي زلمي خلیلزاد له شاوخوا دوو نیمو میاشتو راهیسې د افغان سولې لپاره هڅې پیل کړې دي او تر اوسه یې افغانستان پاکستان، سعودي عربستان او کوېټ ته د سفرونو تر څنګ يې د طالبانو له استازو سره دوه ځلې خبرې کړې دي.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن