د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د ننګرهار ملي امنيت سل ميله وسلې ډاياګ پروګرام ته وسپارلې

د ننګرهار ملي امنيت سل ميله وسلې ډاياګ پروګرام ته وسپارلې

Nov 28, 2018 - 15:57

جلال اباد (پژواک، ۷ لېندۍ ۹۷): د ننګرهار د ملي امنيت رياست له لوري ۱۰۰ ميله بېلابېل ډوله درنې او سپکې وسلې په ختيځ کې د ډاياګ يا ملکي بې وسلې کولو پروګرام ته وسپارل شوې.

چارواکي وايي، دغه وسلې په تېرو درېيو مياشتو کې له وسله والو ترلاسه شوې او ټاکل شوې په کابل کې د دفاع وزارت د وسلو د ترميم کارخانې ته وسپارل شي.

وسلې د لېندۍ په ۷مه د ملي امنيت ادارې په انګړ کې د ډاياګ پروګرام مسوول ته ورکړل شوې چې په تړاو يې چارواکو له رسنيو سره معلومات هم شريک کړل.

د ننګرهار د والي وياند عطاءالله خوږياڼي د دغو وسلو سپارلو په تړاو وويل، د ملي امنیت ریاست منسوبینو د طالبانو او داعش له وسله والو ترلاسه شوې سل میله وسلې په رسمي ډول د بې وسلې کولو پروګرام ته وسپارلې.

نوموړي زیاته کړه، په دې وسلو کې یوه دهشکه، یوه پیکا، ۷۲ کلاشینکوف، تومانچې او یو شمېر نورې وسلې شاملې دي چې د تېرو درېیو میاشتو په موده کې ترلاسه شوې دي.

په ختیځ کې د بې وسلې کولو یا ډایاک پروګرام مشر ډګروال غلام حسین صاحبزاده وويل، دا وسلې د ملي دفاع وزارت د وسلو د ترميم کارخانې ته لېږدول کېږي او بيا ترې سيمه ييز پوليس او اردو او ولسي پاڅون کوونکي د خپلو سيمو د ساتلو لپاره استفاده کوي.

نوموړي زیاته کړه، سږ کال له لغمان، کونړ او ننګرهار ولایتونو څخه ۷۲۰ میله وسله را ټوله او د ملي دفاع وزارت ته لېږدل شوې دي.

تر دې وړاندې ننګرهار امنیې قوماندانۍ او څلورمې پلې لوا له لوري هم ګڼ شمېر درنه او سپکه وسله د بې وسلې کولو پروګرام ته سپارل شوې وې.

نښه: 

ورته راپورونه:

نظر ورکړئ

اعلانونه

Advertisement