اسعد اباد (پژواک، ١٨ ليندۍ ٩٧) : د کونړ ولايت د بېلا بېلو سيمو پوليس وايي چې له تېرو څلورو ورځو راهيسې قراردادي پرې وچه ډوډۍ بنده کړې ده.
د کونړ ولایت يوتن پولیس زرغون وايي چې له تېرو څلورو ورځو راهيسې دوى په خپلو شخصي پيسو ډوډۍ اخلي .
هغه پژواک اژانس ته وويل، د امنيه قوماندانۍ د وچې ډوډۍ قراردادي له تېرو څلورو ورځو راهسې خپله نانوايي تړلې او معلوم نه دى چې هغه چېرته دى .
د کونړ ولایتي شورا رييس حاجي ولایت خان هم دا ستونزه تاييدوي او له کورنیو چارو وزارت څخه غواړي چې پوليسو ته پر وخت د قرار داد له مخې اعاشه ورکړي.
نوموړي زياته کړه، د کورنیو چارو وزارت دې د پولیسو ستونزې په پام کې ونیسي او د اعاشې قراردادونه دې په ولایتونو کې وکړي، ترڅو د دغه ډول ستونزو مخه په ښه توګه ونیول شي .
د هغه په وينا، اوس پوليس له چا وپوښتي چې د ډوډۍ قراردادي چېرته دى.
د کونړ امنيه قوماندان مل پاسوال حقنواز حقيار پژواک اژانس ته وويل، د پولیسو ستونزه مني او وايي چې د پولیسو د اعاشې قراردادونه په مرکز کې شوي او دوی د مسوولیت احساس نه کوي .
د نوموړي په وينا، دا ستونزه يې له مرکز سره شريکه کړې او په هڅو کې دي، څو ورته د حل لاره پيدا کړي.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن