د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

په هرات کې پولیسو ته مرګ ژوبله اوښتې

په هرات کې پولیسو ته مرګ ژوبله اوښتې

Dec 10, 2018 - 17:17

هرات(پژواک، ۱۹ لیندۍ ۹۷): د هرات سیمه ییز چارواکي وايي چې د دغه ولایت په غوریان ولسوالۍ کې پر یوه امنیتي پوسته د طالبانو په برید کې د عامه نظم ۷ پولیس وژل شوي او دوه نور ټپیان دي.

د غوریان ولسوال فرهاد خادمي پژواک ته وویل، تېره شپه زیات شمېر وسله والو طالبانو په غوریان ولسوالۍ کې د عامه نظم د ساتنې پولیسو پر امنیتي پوسته برید کړی دی.

د هغه په خبره، په دې پېښه کې د عامه نظم نهو پولیسو ته مرګ ژوبله اوښتې او د پېښې د څېړنې لپاره سیمې ته یو پلاوی لېږل شوی دی.

نوموړي زیاته کړه: ((دغه پوستې له ایران سره ګډې پولې ته نږدې د غوریان ولسوالۍ په ساغر سیمه کې موقعیت لري.))

په ورته وخت کې طالبانو د یوې خبرپاڼې په خپرېدو سره ادعا کړې چې په دې پېښه کې یې نهه پولیس وژلي او درې نور یې ژوندي نیولي دي.

د یو بل خبر له مخې، په هرات کې د یوې ښځې په ګډون لس کسان د انسان تښتونې په تور نیول شوي دي.

د هرات د پولیسو ویاند عبدالاحد ولیزاده وویل، یاده ډله د دوی له مرکز سره یوځای د هرات ښار په ۱۲ مه ناحیه کې نیول شوې ده.

د هغه په خبره، دغو کسانو د څو تنو په تښتونه په ځانګړې توګه اوو صرافانو په تښتونه اعتراف کړی دی.

نوموړي زیاته کړه،  له دې ډلې یو میله تومانچه او یو شمېر نظامي مهمات هم نیول شوي دي.

ورته راپورونه:

نظر ورکړئ

اعلانونه

Advertisement