د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

مدني فعالان: په هلمند او کونړ کې د ملکي وژنو عاملين دې محاکمه شي

مدني فعالان: په هلمند او کونړ کې د ملکي وژنو عاملين دې محاکمه شي

Dec 16, 2018 - 14:52

لښکرګاه (پژواک، ۲۵ لېندۍ ۹۷): د هلمند مدني فعالانو د يوې اعتراضيه غونډې په ترڅ کې وويل چې په هلمند او کونړ ولايتونو کې د هوايي بريدونو له امله د ملکي وګړو د مرګ ژوبلې مسوولين دې محاکمه شي.

دوى دغه څرګندونې وروسته له هغه کوي چې دوه ورځې وړاندې د هلمند په سنګين او د کونړ په شلتن ولسواليو کې هوايي بريدونه وشول چې په ترڅ کې یې د ښځو او ماشومانو په ګډون لسګونو کسانو ته مرګ ژوبله واوښته.

د دغو بريدونو په غبرګون کې د هلمند مدني فعالانو او اوسېدونکو نن اعتراضيه غونډه جوړه کړې وه.

په دې غونډه کې د هلمند مدني ټولنې مشر نظرمحمد رودي وويل چې په دې وروستيو کې په هلمند او کونړ ولايتونو د هوايي بريدونو له امله ملکي خلکو ته مرګ ژوبله اوښتې چې د زغم وړ نه ده.

هغه وايي: ((موږ د حکومت د ټولو هغو فعاليتونو ملاتړ کړى چې د خلکو په کې خير و خو دغه ډول يې عمليات يې نه منو.))

دغه راز د مدني ټولنې بل غړي عبدالحق ځواکمن وويل چې ملکي خلکو ته په قصدي ډول مرګ ژوبله اړول کېږي.

نوموړي له حکومت او وسله والو طالبانو غوښتنه وکړه چې نور د جګړې پر ځاى د سولې لار خپله کړي.

همدارنګه په دې غونډه کې د لښکرګاه ښار اوسېدونکي شېراحمد بيا وايي چې يو لوری هم نه شي کولاى په جګړې سره بريا ته ورسېږي.

ده هم ټينګار وکړ چې د جګړې پر ځاى بايد د سولې مذاکراتو لپاره هلې ځلې وشي.

د يادې غونډې ګډونوالو ټينګار وکړ چې د هلمند او کونړ ولايتونو د وروستيو هوايي بريدونو ترسره کوونکي دې محاکمه شي.

د يادو څرګندونو په غبرګون کې د هلمند د والي وياند عمر ځواک پژواک ته وويل چې حکومت د دې ډول پېښو په اړه جدي اندېښنه لري او کوښښ کوي چې په عملياتو کې د ملکي وګړو د مرګ ژوبلې مخنيوی وشي.

ده وويل چې د وروستيو پېښو د څېړنې په موخه پلاوي ټاکل شوي دي.

دا لومړى ځل نه دى چې د هوايي بريدونو پر مهال ملکي وګړو ته مرګ ژوبله اوړي تر دې وړاندې هم سلګونه ملکي وګړي د هوايي بريدونو له امله وژل شوي دي.

ورته راپورونه:

نظر ورکړئ

اعلانونه

Advertisement