د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د ننګرهار پوهنتون محصلينو د پاکوالي کمپاين ترسره کړ

د ننګرهار پوهنتون محصلينو د پاکوالي کمپاين ترسره کړ

Dec 24, 2018 - 19:24

جلال اباد (پژواک ۳ مرغومی ۹۷): د ننګرهار پوهنتون محصلينو د پوهنتون د چاپېريال د پاکوالي کمپاين ترسره کړ او ترڅنګ يې خلکو ته د خپلو سيمو د پاک ساتلو پيغام ورکړ.

دوی د مرغومي په ۳مه د پوهنتون انګړ ته راووتل او د مدني ټولنو د څو تنو استازو، د پوهنتون د استادانو او مسوولينو په ملګرتيا يې د پوهنتون له چاپېريال څخه کثافات ټول کړل.

د ننګرهار پوهنتون رييس ډاکتر يحيی فهيم وويل، د پوهنتون محصلين بايد د ټولنې لپاره د ښو کارونو سمبول وګرځي؛ نو ځکه يې محصلين وهڅول چې دا ډول يو کمپاين ترسره کړي.

هغه زياته کړه، له ياد کمپاين موخه خلکو ته د خپلو سيمو د پاک ساتلو پيغام ورکول او په ضمن کې د پوهنتون پاکوالی مراعتول و.

د کمپاين پر مهال يو شمېر محصلينو دا ډول اشرونه د محصلينو تر څنګ د هېواد ټولو وګړو ته د ښار او ټولنو  د پاک ساتلو او پاک چاپېريال جوړولو لپاره اړين وباله.

د پوهنتون د ادبياتو پوهنځي يو محصل خدای نور وويل، د دې ترڅنګ چې دلته يې د خپل پوهنتون پاک ساتلو کې برخه واخيسته، د خپلې سيمې خلک به هم هڅوي چې سيمه کې ورته کمپاين ترسره کړي او د کورونو چاپېريال پاک وساتي.

دغه راز د شرعياتو پوهنځي يو محصل قاري عبدالله وويل، که هر څوک د خپل کور ترڅنګ د کور شاوخوا هم پاکه کړي، نو ښار ورسره ټول پاکېدلی شي.

د جلال اباد ښاروالۍ د اومې ناحيې آمر ډاکټر بريالی چلند چې دغه کمپاين ته ورغلی و، وويل، د ښار او سيمو پاکوالی يواځې د ښاروالۍ دنده نه ده او د خلکو دا ډول همکاري د دې لامل کېدلی شي چې ښار پاک شي.

دغه راز مدني فعال برهان الدين سيرت هم له ښاريانو وغوښتل، چې د ښاري فرهنګ له مخې هر ښاري بايد د ښار پاک ساتلو کې برخه واخلي.

ورته راپورونه:

نظر ورکړئ

اعلانونه

Advertisement