د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

افغان سوداګريز توکي د لاجوردو لارې ترکيې ته ورسېدل

افغان سوداګريز توکي د لاجوردو لارې ترکيې ته ورسېدل

Dec 29, 2018 - 16:23

کابل (پژواک، ٨ مرغومى ٩٧): په نهو موټرو کې بار د افغانستان بېلا بېل ډول سوداګريز توکي د لاجوردو له لارې ترکيې ته ورسېدل.

د سوداګرۍ وزارت مرستيال اجمل حميد عبدالرحيمزي د مرغومي په ٨مه پژواک خبري اژانس ته وويل، چې دغه سوداګريز موټر پرون ناوخته د ترکيې د ارتيون په نامه ګمرک ته رسيدلي دي.

هغه زياته کړه، چې ترکيې ته ددې موټرو درسېدو په تړاو چهارشنبه په ياده سيمه کې يو لړ مراسم نيول کېږي، چې پکې ددواړو هېوادونو استازي هم ګډون کوي.

د دغه وزارت وياند مسافر قوقندي بيا پژواک اژانس ته وويل، چې په دې موټرو کې ١٨٨ بېلا بېل ټول توکي بار وو.

د نوموړي په وينا، دا موټر د افغانستان له  تورغونډۍ بندر څخه د ترکمنستان، اذربایجان او ګرجستان څخه ترکيې ته رسېدلي دي .

د لاجورد لارې قرارداد د پنځو واړو برخمنو هېوادونو (افغانستان، ترکمنستان، اذربایجان، ترکیه او ګرجستان) مسوولینو په ګډون د ترکمنستان ښار مرکز "عشق‌ اباد" کې د ۲۰۱۷م کال د نومبر میاشت په ۱۵مه نېټه لاسلیک شو.

د سوداګرۍ وزارت د معلوماتو له مخې، له دې لارې په ګټې اخیستو افغانستان کولی شي مختلف توکي او تولیدات، لکه د چشت شریف مرمر تیږه، د کندهار انار، د زابل بادام، د هرات زعفران، د کندوز هندواڼې، د پکتیا او خوست زړغونځي (جلغوزې)، د بدخشان لعل او ورته نور توکي اروپا ته صادر کړي.

د لاجوردو  لاره په لومړي ځل صادراتو کې ۱۸۰ ټنه د پنبې تار، ۲۳ ټنه ممیز، ۲۵ ټنه کُنځلې (کنجد) او ۲۶ ټنه د هندواڼو زړي شامل وو. د ولسمشر پرانیستې وینا سره سم د لاجورد لار په اصل کې د ورېښمو لرغونې لارې یوه برخه ده په کومه چې به ۴۰۰۰ کاله وړاندې د افغانستان لاجورد اروپا ته صادرېدل.

ورته راپورونه:

نظر ورکړئ

اعلانونه

Advertisement