ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

ولسي جرګې د ۱۳۹۸ مالي کال د بودجې طرحه تصویب کړه

ولسي جرګې د ۱۳۹۸ مالي کال د بودجې طرحه تصویب کړه

author avatar
31 Dec 2018 - 16:26
ولسي جرګې د ۱۳۹۸ مالي کال د بودجې طرحه تصویب کړه
author avatar
31 Dec 2018 - 16:26

کابل (پژواک، ١٠ مرغومی ۹۷): ولسي جرګې د ۱۳۹۸ مالي کال د بودجې طرحه چې ۳۹۹ میلیارده افغانۍ عادي او انکشافي بودجه په کې شامله ده، تصویب کړه.

د راتلونکي مالي کال د بودجې طرحه چې ۲۷۵ میلیارده افغانۍ عادي او ۱۲۴ میلیارده افغانۍ انکشافي بودجه په کې شاملېږي او په ټوله کې د تېر مالي کال په پرته ۱۲ سلنه زیاته شوې، د لړم په ۲۰مه مشرانو جرګې ته وړاندې شوې وه او دې جرګې د لېندۍ په څلورمه له ځینو وړاندیزونو سره یو ځای تایید کړه.

د ۱۳۹۷ مالي کال بودجې ۲۶۷ میلیارد افغانۍ عادي او له ۹۰ میلیارد افغانۍ انکشافي بودجه وه.

د ۱۳۹۸ مالي کال د بودجې طرحه چې د مرغومي په لومړۍ پیل شوې ده او لېندۍ په اوومه مالیې وزارت ولسي جرګې ته د تصویب لپاره وړاندې کړه.

د مالیې وزارت چارواکي وايي، دا طرحه د شته منابعو، واقعیتونو او د حکومت د لومړيتوبونو پر اساس ترتیب شو چې د برېښنا د لېږد او پراختیا، د دولتي ودانیو د رغولو، د اوسپنې پټلیو او نورې پروژې په پام کې نیول شوې دي.

د سرچینې د معلوماتو له مخې، ډېره بودجه په ترتیب سره امنیتي سکټور، زیربیناوو، پوهنې، حکومتولۍ، کرنې او کلیو پراختیا ته ځانګړې شوې ده.

ماليې وزارت وايي، د یادې بودجې ۱۸۸ میلیارد افغانۍ بودیجه له داخلي عایداتو او پاتې نوره د بهرنیو ملاتړ کوونکو له مرستو مویلېږي.

دغه راز د سرچینې د معلوماتو له مخې، له ټولې ۱۲۴ میلیارد افغانیو پراختیايي بودیجې ۶۱ میلیارد بودیجه اختیاري او ۶۳ میلیارد نوره غیر اختیاري بودیجه ده چې د نړیوالو ملاتړکوونکو بنسټونو او هېوادونو لخوا به مصرف شي.

د ولسي جرګې په نننۍ ناسته کې له ټولو ۱۳۶ غړو اوو کسانو دې طرحې ته د رد رایې او پاتې ټولو د تایید اریې وکارولې او دغه طرحه یې تصویب کړه.

login or register a new account.

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.