د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د پکتیا د سولې شورا یو غړی او د کورنۍ ۵ نور کسان یې هوايي بمبار کې وژل شوي

د پکتیا د سولې شورا یو غړی او د کورنۍ ۵ نور کسان یې هوايي بمبار کې وژل شوي

Dec 31, 2018 - 11:44

ګردېز (پژواک، ١٠ مرغومى ٩٧): د پکتيا په زرمت ولسوالۍ کې د هوايي بريد په ترڅ کې د سولې عالي شورا د ولايتي کمېټې د يوه غړي په ګډون شپږ ملکي وګړي وژل شوي دي.

تېره شپه د پکتیا د زرمت ولسوالۍ په سرکۍ سيمه کې پر يوه کور د هوايي ځواک په ملتيا عمليات ترسره شوي چې د سولې شورا د ولايتي کمېټې د يوه غړي په ګډون څو نور غړي هم وژل شوي دي.

د سيمې اوسېدونکي وايي، عمليات د پخواني جهادي قوماندان، قومي مشر او د سولې شورا د ولايتي کمېټې د غړي محمد نعيم پر کور ترسره شوي چې د نوموړي په ګډون يې ورور, زوی او درې کسان نور دوستان په کې وژل شوي دي.

د پکتيا ولايت د سولې ولايتي کمېټې مسوول جنت خان منګل وايي چې قوماندان حاجي نعيم د سولې ولايتي کمېټې غړی و، خو معلومه نه ده چې وژل شوی که ژوندی پاتې دی.

د زرمت ولسوالۍ د صالح خېلو اوسېدونکى عبدالله وايي په سيمه کې ګډو ځواکونو هم ځمکني او هم هوايي عمليات ترسره کړي دي.

بلخوا د پکتيا ولايت امنيتي مسوولين هم عمليات مني، خو وايي چې د مرګ ژوبلې په اړه لا دقيق معلومات نه لري چې وژل شوي کسان وسله وال طالبان دي او که ملکي خلک.

د يادنې ده، په دې وروستيو کې د هوايي بريدونو له امله ډېرى وخت عامو خلکو ته هم مرګ ژوبله اوړي.

ورته راپورونه:

نظر ورکړئ

اعلانونه

Advertisement