د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

په هرات کې دوو افغان سرتېرو پر بهرنیو ځواکونو بريد کړی

په هرات کې دوو افغان سرتېرو پر بهرنیو ځواکونو بريد کړی

Jan 02, 2019 - 16:52

هرات(پژواک، ۱۲ مرغومى ۹۷): دوو افغان سرحدي سرتېرو ته وروسته له هغه د خپلو افغان سرتېرو ملګرو له خوا مرګ ژوبله واوښته چې پر نهرنیو ځواکونو یې د راکټ فیر وکړ.

د هېواد په لوېدیځ کې د ۲۰۷ ظفر قول اردو قوماندان نورالله قادري پژواک ته وویل، نن سهار یو شمېر بهرنيو ځواکونو د هرات ـ اسلام کلا پر لویه لار له پنځمې سرحدي لوا څخه لیدنه کوله چې یادې لوا ته نږدې، پرې دوو افغان سرحدي سرتېرو د راکټ فیر وکړ، خو راکټ پر بهرنیانو نه دی لګېدلی.

هغه زیاته کړه، د پېښې پر مهال یاد دوه سرتېري خپلو افغان همکارانو پر ډزو ویشتلي چې یو یې وژل شوی او بل ټپي دی.

قادري د دې په روښانولو سره چې بهرنیانو ته زیان نه دی اوښتی زیاته کړه، تر اوسه د پېښې لامل نه دی څرګند شوی خو په اړه يې څېړنې روانې دي.

 دا په داسې حال کې ده چې له دې مخکې هم افغان سرتېرو بهرنیان په نښه کړي دي.

د غوڅ ملاتړ ماموريت مطبوعاتي دفتر تر اوسه په دې اړه څه نه دي ویلي.

ورته راپورونه:

نظر ورکړئ

اعلانونه

Advertisement