د پژواک خدمتونه

د انځورونو څانګه

غږيزه څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د بهرنيو ځواکونو په بمبار کې شپږ پوليس ټپيان شول

د بهرنيو ځواکونو په بمبار کې شپږ پوليس ټپيان شول

Jan 04, 2019 - 15:11

ترينکوټ(پژواک،١٤مرغومى٩٧):د اروزګان امنيتي مسوولين وايي چې بهرنيو ځواکونو ددغه ولايت په مرکز ترينکوټ کې د پوليسو پر يوه پوسته بمبار کړى او شپږ پوليس په کې ټپيان شوي دي.

يوه امنيتي سرچينه چې نه غواړي نوم يې خپور شي پژواک ته وويل چې دغه پېښه نن سهار پنځه بجې رامنځته شوې ده .

 د سرچينې په وينا، بهرنيو ځواکونو له تېرې ورځې راهيسې د ترينکوټ د شاه منصور او کوټول په سيمو کې عمليات پيل کړي دي.

 سرچينه وايي چې بهرنيو ځواکونو نن سهار په شاه منصور سيمه کې د پوليسو پوسته په نښه کړې او د پوستې د قوماندان په ګډون شپږ پوليس يې ټپيان کړي دي.

هغه وايي چې د پوليسو د قوماندان سيدکريم او يوه بل پوليس روغتيايي حالت نازک ښودل شوى دى.

 د اروزګان د روغتون يوې سرچينې دغه پېښه تاييد کړه او پژواک ته يې وويل چې له يادې پېښې شپږ پوليس روغتون ته را انتقال شوي دي.

سرچينه وايي چې دوه پوليس به کوم بل ولايت ته انتقال شي او نور به دلته درملنه شي .

بهرنيو ځواکونو تراوسه پورې په دې اړه څه نه دي ويلي .

ورته راپورونه:

نظر ورکړئ

اعلانونه

Advertisement

Etisalat Get more data, Etisalat Afghanistan