د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

نور رحمان لېوال: د ولسمشرۍ نوماندان دې د ټاکنو پروسې روڼوالي کې مرسته وکړي

نور رحمان لېوال: د ولسمشرۍ نوماندان دې د ټاکنو پروسې روڼوالي کې مرسته وکړي

Jan 06, 2019 - 16:17

کابل (پژواک، ١٦ مرغومى ٩٧): د ولسمشرۍ احتمالي نوماند نور رحمان لېوال پر نورو نوماندانو غږ کړی چې په ګډه د ټاکنو له خپلواک کمېسيون سره همکاري وکړي  څو د ټاکنو پروسه رڼه او له درغليو پاکه شي او له هغه ورسته دې بیا نوم لیکنه وکړي.

د ولسمشرۍ ټاکنو احتمالي نوماند نور رحمان لېوال دغه څرګندونې د مرغومي په ١٦مه له پژواک سره په يوه مرکه وکړې او ويې ويل چې د ټاکنو خپلواک کمېسيون د تېرو ولسي جرګې ټاکنو کې وښوده چې د رڼو او پر وخت ټاکنو وړتيا نه لري او حکومت په ټاکنو لوبې کوي.

ټاکل شوې ده چې د ولسمشرۍ ټاکنې د ١٣٩٨ لمريز کال د چنګاښ په ٢٩مه ترسره شي.

لېوال وايي چې د رڼو ټاکنو لپاره د ټاکنو درې پړاوونه، د ټولنيز عدالت پر بنسټ د رايې د مرکزونو وېش، د رايه ورکوونکو کره نوم ليکنه او سملاسي د رايو شمېرنه ده او چېرته چې ټاکنې نه ترسره کېږي، هلته د ولس حق بايد په بله بڼه ورکړل شي.

نوموړي پر ولس، حکومت، کمېسيون او احتمالي نوماندانو غږ وکړ چې د رايو مرکزونه، رايه ورکول، او د رايو شمېرلو بايوميټرک سيستم سره تړلى وي چې په مرسته يې د راجسټر، پېژندلو، رايه ورکولو او د سمدلاسه شمېرلو پروسه کره او له هر ډول جعلکاريو خوندي وي.

د هغه په وينا، رايه ورکول بايد په رای پاڼه او هم په ماشيني ډول وي او رايه بايد سمدلاسه د ټولو پر وړاندې د ټاکنو په ورځ په مرکزونو کې وشمېرل او اعلان شي.

ماشيني د شمېر سيسټم بايد په ځنځيري- تړاو سمبال وي څو لاسوهنې ناشونې شي او د بيا شمېرنې وړ وي.

ده زياته کړې: ((که د ټاکنو خپلواک کمېسيون او حکومت د دې کار وړتيا نه لري موږ يې وړيا ورکوو))

لېوال پر نوماندانو غږ وکړ چې په ګډه لومړى د ټاکنو خپلواک کمېسيون سره همکاري وکړي  څو د ټاکنو پروسه رڼه او له درغليو پاکه شي، له هغه وروسته دې نوم ليکنه وکړي.

د يادونې ده، تر اوسه دوو احتمالي نوماندانو تورسن او پدرام ولسمشرۍ ته نوم ليکنه کړې ده.

هغه په ټاکنو کې د ممکنه شخړو او لانجو د مخنيوي لپاره ځيني وړانديزونه کړې دي:

١-  د ټاکنو خپلواک کميسيون به مکلف وي چې د ټاکنو پروسه ټولو نوماندانو او ولس ته د منلو وړ وي.

٢-  د نومليکنې په ورځ بايد کمېسيون دا وړتيا ولري چې ملاتړې يا تاييدي رايې او اسناد وګوري، بيا نوم ليکنه وکړي.

٣-  چېرته چې کمېسيون ټاکنې نه شي ترسره کولاى هلته به اړوند نوماندانو ته د رايو د بانکي اټکلونو له مخې د رايو سلنه ورکول کېږي.

ورته راپورونه:

نظر ورکړئ

اعلانونه

Advertisement