د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

په تېرو درېیو میاشتو کې په هرات کې ۱۰۰ کسان نیول شوي

په تېرو درېیو میاشتو کې په هرات کې ۱۰۰ کسان نیول شوي

Jan 06, 2019 - 12:17

 

هرات (پژواک، ۱۶ مرغومی ۹۷): د هرات د ملي امنیت ریاست وايي، په تېرو درېیو میاشتو کې یې د ۸۰ بېلابېلو عملیاتو په ترڅ کې د ورانکارو بریدونو او سازمان شوو جرمونو په تور۱۰۰ کسان نیولي دي.

د هرات د والي ویاند جیلاني فرهاد پژواک خبري اژانس ته وویل، نیول شوي کسان د ورانکارو بریدونو، ترور، سړي تښتونې، وژنو، اداري فساد او ځینو نورو جرمونو په تور د دغه ولایت په مرکز او ولسوالیو کې نیول شوي دي.

د جیلاني د معلوماتو له مخې، له یاد شمېر کسانو ۲۵ طالبان، ۶ کسان له طالبانو سره د مرستې، ۱۳ کسان د سړي تښتونې، ۱۳ تنه د اداري فساد او پاتې نور یې د جنايي جرمونو په تور نیول شوي دي.

هغه زیاته کړه، له نیول شوو کسانو له ۲۰ میله زیاتې بېلابېلې وسلې ترلاسه شوې او دغه راز په تېرو درېیو میاشتو کې د سړک د غاړې ۳۸ خښ شوي ماینونه شنډ شوي دي.

نوموړي د خپلو خبرو په دوام کې وویل، د یادو کسانو په نیول کېدو د هرات ولایت په امنیتي وضعیت کې مثبت بدلون راغلی دی.

په همدې حال کې د هرات اوسېدونکي له عدلي او قضايي بنسټونو غواړي چې د نیول شوو کسانو د دوسیو په ارزونه کې لټي ونه کړي او هغوی ته دې د خپلو کارونو جزا ورکړي څو نور ترې پند واخلي.

نښه: 

ورته راپورونه:

نظر ورکړئ

اعلانونه

Advertisement