د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

پکتیکا کې پر وزیرستاني کډوالو د مرستو وېشلو لړۍ پیل شوه

پکتیکا کې پر وزیرستاني کډوالو د مرستو وېشلو لړۍ پیل شوه

Jan 09, 2019 - 13:38

ښرنه (پژواک، ١٩ مرغومى ٩٧): د پکتيکا په برمل او اورګون ولسواليو کې د شمالي او جنوبي وزيرستان له بېځايه شوو زرګونو کورنيو سره د ژمنيو توکو د مرستې لړۍ پيل شوه.

د دې مرستو وېشلو لړۍ نن د ملګرو ملتونو د کډوالو چارو کمېشنرۍ په مالي ملاتړ او د ORCD موسسې په همکارۍ پيل شوه.

د دې موسسې مشر وزير خان الکوزي پژواک خبري اژانس ته وويل چې دغه مرستې د شمالي او جنوبي وزيرستان له ٤٤٥٦ بې ځايه شوو کورنيو سره ترسره کېږي.

هغه زياته کړه: ((تر اوسه مو په برمل له کې له ٧١٠ کورنيو سره او په اورګون کې له ٩٠ کورنيو سره دغه مرستې کړې دي، خو دغه لړۍ هره ورځ روانه ده څو دغه ټولې کورنۍ پوره شي چې څو ورځې وخت به ونيسي.))

د نوموړي د معلوماتو له مخې، په دغو مرستو کې ٧٦٥ کيلوګرامه لرګي، کمپلې، بخارۍ او د ژمي نور اړين توکي شامل دي.

دغه راز د پکتيکا د کډوالو چارو رييس زمريالي فضليار پژواک ته وويل چې دغه مرستې په شفاف ډول د شمالي او جنوبي وزيرستان پر بې ځايه شوو کورنيو ويشل کېږي.

هغه وايي: ((دغه کورنۍ له ستونزو سره مخ دي، کېداى شي تر يوه حده يې ستونزې هوارې کړي.))

بل لور ته د بې ځايه شوو کورنيو استازي رحمت الله پژواک ته وويل چې دغو مرستو ته ډير خوښ دي.

ده وويل: ((زموږ مشکلات ډير دي او په ښه وخت کې دغه مرستې وشوې.))

دغه راز يو بل بې ځايه شوي تاج محمد پژواک ته وويل چې حکومت بايد دوى ته کلينيکونه او ښوونځي هم بايد جوړ کړي.

د يادونې ده، شاوخوا پنځه کاله وړاندې د پاکستان پوځ په شمالي او جنوبي وزيرستان کې د وسله والو پر وړاندې پوځي عمليات وکړل چې له امله يې زرګونه کورنۍ پکتيکا او ځينو نورو سيمو ته بې ځايه شوې.

ورته راپورونه:

نظر ورکړئ

اعلانونه

Advertisement