اسعداباد (پژواک، ٢٥ مرغومى ٩٧): د کونړ په مرکز اسعداباد کې د کرکټ بورډ د ٣،٩ میلیونه افغانیو په لګښت د دیني مدرسې د جوړولو چارې پيل شوې.
د کرکټ بورډ عمومي ريیس عزیزالله فضلي چې دې ولايت ته يې سفر کړى و، وويل چې د دغې دیني مدرسې د جوړولو په بدل کې د پوهنې ریاست یوه اندازه ځمکه د اسعداباد د کرکټ لوبغالي د پراختیا لپاره کرکټ بورډ ته په واک کې ورکړل شوه.
ده زياته کړه، دغه مدرسه به د کرکټ بورد په درې اعشاريه نهه ميليونه افغانيو لګښت چې ٧ خونې به ولري، د شپږو مياشتو په موده کې به يې چارې بشپړې شي.
نوموړي د کونړ له ولايتي ادارې د لوبغالي د لا پراخېدو او معياري کېدو په خاطر د يوې اندازې نورې ځمکې د ورکولو غوښتنه وکړه.
د کونړ والي عبدالستار ميرزکوال ژمنه وکړه چې د کرکټ لوبغالي د پراخېدو لپاره چې څومره ځمکې ته اړتيا وي، دوى به يې په واک کې ورکړي، ترڅو په دې ولايت کې د کرکټ اساسي لوبغالى جوړ شي.
د ولايتي شورا غړي محمد ساپي بيا د کرکټ بورډ له ادارې غوښتنه وکړه چې د دې ولايت کرکټ ته پاملرنه وکړي او ځوانانو ته په ملي او نولس کلنو لوبډلو کې د لوبې چانس ورکړي.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن