د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

په هرات کې د اورلګېدنې له امله د یوې کورنۍ پنځه غړي مړه شوي

په هرات کې د اورلګېدنې له امله د یوې کورنۍ پنځه غړي مړه شوي

Jan 15, 2019 - 15:28

هرات (پژواک، ٢٥ مرغومی ٩٧): په هرات ښار کې د اورلګېدنې په پېښه کې د یوې ښځې او درېیو ماشومانو په ګډون د یوې کورنۍ پنځو غړو خپل ژوند له لاسه ورکړی دی.

د هرات د پولیسو ویاند عبدالاحد ولي زاده پژواک ته وویل، یاده پېښه تېره شپه د هرات ښار په دویمه ناحیه کې رامنځته شوې ده.

سرچینې زیاته کړې، تېره شپه د هرات ښار د دویمې ناحیې په «محله نو» سیمه کې شاوخوا ۱۲ بجې د استوګنې په یوه کور کې اورلګېدنه رامنځته شوه.

د وليزاده د معلوماتو له مخې، د یادې اورلګېدنې له امله د یوې کورنۍ پنځه غړي وژل شوي دي.

سرچینې د دې په څرګندولو چې په مړه شوو کې یوه ښځه، یو سړی او درې ماشومان شامل دي، زیاته کړه، د پېښې د رامنځته کېدو د لامل په اړه څېړنې روانې دي.

د هرات د حوزوي روغتون مسوولانو هم یاده پېښه تاییدوي او وايي، د زیاتې سوزېدنې له امله د مړو جسدونه تر اوله روغتون ته نه دي راوړل شوي.

ورته راپورونه:

نظر ورکړئ

اعلانونه

Advertisement