د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

کورنيو چارو وزارت: قانون د نفوذ لرونکو، درنو او عادي وګړو لپاره يو ډول دى

کورنيو چارو وزارت: قانون د نفوذ لرونکو، درنو او عادي وګړو لپاره يو ډول دى

Jan 17, 2019 - 13:01

کابل (پژواک، ٢٧ مرغومى ٩٧): د کورنيو چارو وزارت وايي، له بده مرغه که له نېکه مرغه هېڅ داسې قانون او مقرره نشته چې د پوليسو چلند له هغو کسانو سره چې ځان ډېر مهم، درانه، با نفوذه او يا ځانګړي بولي، جلا وښيي.

د ياد وزارت له خوا د مرغومي په ٢٧مه په يوه خپره شوې خبرپاڼه کې راغلي، هغه څه چې شته د ټولو لپاره يو ډول قانون دی.

سرچينې زياته کړې، کله چې پوليس د "قانون ماتوونکي له ښاغلي" او د "له مهمو" کسانو سره مخ کېږي، د دوی تمه له پوليسو دا ده چې قانون شا ته پرېږدي او دوی ته دې سلامي ووهي.

په خبرپاڼه کې راغلي، د کورنيو چارو وزارت ولسي جرګې ته وړانديز کوي چې په ډېرې مهربانۍ دې د مهمو کسانو قانون ژر تر ژره تصويب کړي، څو د دغه قانون په رڼا کې پوليس وکولای شي خپل چلند معلوم او پلی کړي.

دغه وزارت ويلي: "که چېرې د دې چارې لپاره فرصت نه لري، نو ښه به دا وي څو داسې پرېکړه وکړي چې له مخې يې د هغې په روښنايي کې موږ وکولای شو د "له قانون ماتوونکو ښاغلو" او "له با نفوذه قانون ماتوونکو سره" د پوليسو چلند مديريت کړو. "

د کورنيو چارو وزارت ويلي،  په پاى کې دا شعار ورکړئ چې د پوليسو پت ساتل، د افغانستان د پت ساتل دي.

ځواکمن او کاري دولت د هر افغان د عزت ضامن دی.

د کورنيو چارو وزارت دغه خبرپاڼه وروسته له هغه ورکړې چې يو شمېر با نفوذه خلکو او د ولسي جرګې ځينو وکيلانو په ښار کې د پوليسو د تلاشۍ پر مهال ناسم برخورد کړى و.

څو ورځې مخکې د ولسي جرګې د پخواني رييس يونس قانوني ساتونکو وروسته له هغه پر پوليسو ډزې کړې وې چې پوليسو يې د موټرو د تورو ښيښو پاکولو هڅه کوله.

ورته راپورونه:

نظر ورکړئ

اعلانونه

Advertisement