د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د لوګر د والي پر موټرو برید کې اته سرتېري وژل شوي او لس نور ټپیان دي

د لوګر د والي پر موټرو برید کې اته سرتېري وژل شوي او لس نور ټپیان دي

Jan 20, 2019 - 11:16

دويم تعقيب- پل علم (پژواک، ٣٠ مرغومى ٩٧): د لوګر د والي پر موټريز کاروان د موټربم بريد شوی چې په ترڅ کې يې اته امنيتي سرتېري وژل شوي او لس نور ټپيان دي.

نن له غرمې مخکې شاوخوا لس نيمې بجې د لوګر د محمد اغې ولسوالۍ په سفيد سنګ سيمه کې د لوګر د والي محمد انور اسحاقزي پر موټريز کاروان د موټربم بريد وشو.

د لوګر د والي وياند شمشاد لاروي پژواک ته وويل چې په دې پېښه کې اته امنيتي سرتېري وژل شوي او لس نور ټپيان شوي دي.

ده وويل چې په دغو کسانو کې د ملي امنيت رياست سرتېري او د والي ساتونکي شامل دي.

خو د لوګر د ولايتي شورا مرستيال عبدالولي وکيل پژواک ته وويل چې په دې پېښه کې ٢٠ سرتېرو ته مرګ ژوبله اوښتې ده.

هغه وايي: ((والي او د لوګر د امنيت رييس له کابل نه لوګر ته روان وو، د ملي امنيت سرتېري او د والي ساتونکي د سفيد سنګ په سيمه کې دوى ته منظر وو، کله چې والي او د امنيت رييس دغه ځاى ته رسېږي او خپلو موټرو ته پورته کېږي، په همدې وخت کې موټربم بريد پرې کېږي.))

د وکيل د معلوماتو له مخې، په دې پېښه کې د رينجرو په ګډون شپږ موټر له منځه تللي دي.

د دغه بريد مسووليت وسله والو طالبانو پر غاړه اخيستى دى.

د دې ډلې وياند ذبيح الله مجاهد وايي چې په دې پېښه کې ګڼ شمېر ځانګړو ځواکونو ته مرګ ژوبله اوښتې ده.

د يادونې ده، شاوخوا لس مياشتې وړاندې د محمد اغې ولسوالۍ په واغجان سيمه کې وسله والو طالبانو د لوګر د والي د مرستيال پر موټريز کاروان بريد وکړ چې په ترڅ کې د مرستيال والي قمر الدين شکيب او د والي د وياند سليم صالح په ګډون پنځه تنه په کې و وژل شول او دوه نور ټپيان شول.

ورته راپورونه:

نظر ورکړئ

اعلانونه

Advertisement