د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

په ۱۱۴ ولسواليو کې څه باندې څلور زره غذايي بانکونه جوړ شوي

په ۱۱۴ ولسواليو کې څه باندې څلور زره غذايي بانکونه جوړ شوي

Jan 20, 2019 - 17:15

کابل (پژواک، ٣٠ مرغومى ٩٧): د کليو د بيارغونې او پراختيا وزارت وايي، د هېواد په ۱۱۴ ولسواليو کې يې څه باندې څلور زره غذايي بانکونه د خلکو لپاره د خلکو په مرسته جوړ کړي دي.

له ياد شوي وزارت څخه پژواک خبري اژانس ته په رالېږل شوې خبرپاڼه کې پر پورته مطلب سربېره راغلي چې دا غذايي بانکونه چې د غله جاتو په نوم مشهور شوي، په دوو کلونو کې يې له ۱۴۰۰ ټنو زيات غله جات د هېواد په بېلابېلو ولايتونو کې ۱۲۷۰۵ کورنيو ته وېشلي دي.

د کليو د بيارغونې او پراختيا وزير پوهنمل مجيب الرحمن کريمي ويلي، د کليو د پراختيا وزارت د خلکو اړتياوو ته په کتو او د خلکو په منځ کې د همکارۍ حس د پياوړي کولو او د لوږې د کمښت په موخه يې ۱۲۷۲۷ کمپاينونه د عامه خلکو په مرسته کړي، چې ښې پايلې لري او له امله يې ۴۱۴۲ غذايي بانکونه جوړ شوي دي.

ده زياته کړې، د غذايي بانکونو اهميت ته پام، خلکو په خپله خوښه ۹۳ جريبه کرنيزه ځمکه غذايي بانکونو ته وقف کړې، چې د دې ځمکې ټول حاصلات به غذايي بانکونو ته ورکول کېږي، د دې ترڅنګ د خلکو له خوا له دې بانکونو سره د يو ميليونه ډالرو مرسته شوې ده.

د هغه په وينا، د فقر کچې د کمښت او ممکنه مرستې په موخه د هېواد په ۹ ولايتونو کې له هر غذايي بانک سره ۱۰۰۰ ډالره مرسته شوې ده.

د کليو د پراختيا وزارت وايي، هڅه کوي د هېواد په ټولو ولسواليو کې ورته بانکونه جوړ شي.

ورته راپورونه:

نظر ورکړئ

اعلانونه

Advertisement