ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

دپکتيکا نوى والي: له فساد سره مبارزه او د امنيت ټينګښت  مې کاري لومړيتوبونه دي

دپکتيکا نوى والي: له فساد سره مبارزه او د امنيت ټينګښت مې کاري لومړيتوبونه دي

author avatar
21 Jan 2019 - 18:00
دپکتيکا نوى والي: له فساد سره مبارزه او د امنيت ټينګښت  مې کاري لومړيتوبونه دي
author avatar
21 Jan 2019 - 18:00

ښرنه(پژواک، د سلواغې لومړۍ نېټه، ٩٧): د پکتيکا نوى والي وايي چې له فساد سره مبارزه، د لويو لارو د امنيت ټينګښت، ښه حکومتولي او د قومونو ترمنځ جوړښت يې له کاري لومړيتوبونو څخه دي.

مجيب الرحمن څمکنى نن د سلواغې په لومړۍ نېټه د پکتيکا د نوي والي په توګه دنده پيل کړه.

نوموړي د ده د پېژندنې په اړه جوړې شوې غونډې ته وويل چې له اداري فساد سره مبارزه او د دغه ولايت د لويو لارو امن کول يې له کاري لومړيتوبونو څخه دي.

ده زياته کړه: ((کلونه کيږي چې د ولسواليو لويې لارې هم بندې دي، دا به خلاصوو او ښه حکومتولي به رامنځته کوو.))

څمکنى وايي چې د قومونو ترمنځ جوړښت او د ځوانانو ترمنځ همغږي رامنځته کولو لپاره به هم ډېر کار وکړي.

په دې غونډه کې د پکتيکا د ولايتي شورا غړي مبين فقيرزاده وويل چې په تېرو دوه کلونو کې يو شمېر ولسواليو سقوط کړى او ډېرې سيمې نا امنه شوې دي.

نوموړي د نا امنه سيمو پر امنيت کولو ټينګار وکړ او ويې ويل چې د قومونو ترمنځ جوړښت خورا مهم دى.

همدارنګه په دغې غونډه کې يو شمېر ځوانانو وويل چې د دغه ولايت پخوانۍ رهبري ونه شول کولاى چې امنيت ټينګ کړي او د فساد پر وړاندې جدي مباره وکړي، نوي رهبري بايد دې برخو ته جدي پاملرنه وکړي.

د يادنې ده چې مجيب الرحمن څمکني تر دې وړاندې په ولسي جرګه کې د پکتيا د استازي په توګه دنده ترسره کړې ده.

login or register a new account.

ورته موضوع

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.