د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

ملي امنیت: د میدان ښار پروني برید کې ۹۴ امنیتي سرتېرو ته مرګ ژوبله اوښتې

ملي امنیت: د میدان ښار پروني برید کې ۹۴ امنیتي سرتېرو ته مرګ ژوبله اوښتې

Jan 22, 2019 - 18:30

 کابل (پژواک، ۲ سلواغه ۹۷): د ملي امنیت عمومي ریاست وايي چې د میدان وردګو ولایت د مرکز ميدان ښارپه پروني برید کې ۳۶ د ملي امنیت ولسي پاڅون کوونکي وژل شوي او ۵۸ نور ټپیان دي.

 د ملي امنیت ریاست په خبرپاڼه کې د یاد مطلب تر څنګ راغلي چې تېره ورځ وسله والو طالبانو د میدان وردګو ولایت په مرکز میدان ښار کې د ملي امنیت د ولسي پاڅون کوونکو پر مرکز د هاموې زغروال ټانک په وسیله برید وکړ.

دغه برید تېره ورځ سهار ۷:۳۰ بجې د میدان ښار په باغ زنانه سیمه کې ترسره شو.

 سرچینې زیاته کړې: ((تروريستانو له چاودېدونکو مواد د ډک زغروال هاموې ټانک څخه په استفاده ځانونه د مرکز قراول ته نږدې کړي چې یاد ټانک د قراول د ساتونکو له خوا پېژندل شوی خو دا چې ټانک زغروال توانېدلى چې قراول مات کړي او ترې تېر شي، وروسته یې مرکز ته نږدې چاودنه کړې او د مرکز ودانۍ یې يوڅه ویجاړه کړې او له بده مرغه د تېرې ورځې په برید کې زیات شمېر کسان د ودانۍ د تخریب له امله شهیدان شوي وو.))

په خبرپاڼه کې راغلي، له لومړۍ چادونې وروسته درې برید کوونکي چې غوښتل یې د یوه کرولا ډوله موټر څخه په استفاده ودانۍ ته دننه شي د مرکز د ساتونکو له خوا تر پېژندو وروسته وژل شوي دي.

د یاد برید مسوولیت وسله والو طالبانو منلی دی.

د یادې ډلې ویاند ذبېح الله مجاهد ادعا کړې چې په دغه برید کې یې د ملي امنیت ۹۰ سرتېري وژلي او ۱۰۰ نور ټپیان دي.

مجاهد زیاته کړې، په برید کې څلور وسله وال طالبان هم وژل شوي دي.

ورته راپورونه:

نظر ورکړئ

اعلانونه

Advertisement