د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

ولسمشر غني: پر ملي امنيت هر اړخيزه پانګونه به دوام ومومي

ولسمشر غني: پر ملي امنيت هر اړخيزه پانګونه به دوام ومومي

Jan 23, 2019 - 11:17

کابل (پژواک، ۳ سلواغه ۹۷): ولسمشر غني د ميدان وردګو پېښې د وړمې ورځې د ټپيانو پوښتنه وکړه او د ملي امنيت رياست چارواکو ته يې وويل چې ملي امنيت بايد نهاد محوره شي او دغه اداره بايد تحرک او دايمي پرمختګ ولري.

د ولسمشرۍ ماڼي په خبرپاڼه کې راغلي چې ولسمشر محمد اشرف غني تېر ماښام د ملي امنيت د شش درک قرارګاه ته ولاړ او په ميدانښار کې د تېرې ورځې بريد په اړه د ملي امنيت له رهبري پلاوي او منسوبينو سره يې خپله خواخوږي وښوده.

وسله والو طالبانو وړمه ورځ سهار ۷:۳۰ بجې د ميدان ښار په باغ زنانه سيمه کې د ملي امنيت د ولسي پاڅون کوونکو پر مرکز د هاموې زغروال ټانک پر مټ بريد وکړ.

امنيتي چارواکي وايي، په بريد کې د ملي امنيت ۳۶ ولسي پاڅون کوونکي ووژل شول او ۵۸ نور ټپيان شول.

د ياد بريد مسووليت وسله والو طالبانو منلی او د دې ډلې وياند ذبېح الله مجاهد ادعا کړې چې په دغه بريد کې يې د ملي امنيت ۹۰ سرتېري وژلي او ۱۰۰ نور ټپيان دي.

په خبرپاڼه کې راغلي چې ولسمشر د ملي امنيت د هغو ټپي منسوبينو چې وړمه ورځ د ميدان ښار په بريد کې ټپيان شوي وو، د غازي امان الله خان له روغتون څخه ليدنه وکړه، د هغوی سرښندنې او زړورتياوې یې وستايلې او معالجو ډاکټرانو ته يې سپارښتنه وکړه چې د ټپيانو د درملنې په موخه دې هېڅ راز هڅې نه سپموي.

همداراز سرچينه زياتوي چې ولسمشر د ملي امنيت چارواکو ته وويل: "زموږ ملي امنيت بايد تحرک او دايمي پرمختګ ولري، ځکه له متحرک او فعال ملي امنيت پرته د خلکو هيلې نه شي ترلاسه کېدای."

ولسمشر غني څرګنده کړه، ملي امنيت بايد نهاد محوره شي، څو د افغانستان لنډمهالې او اوږدمهالې ګټې تامين کړي.

هغه زياته کړه، پر ملي امنيت شوې هر اړخيزه پانګونه به دوام ومومي.

غني وايي: ((افغانستان د ټولې نړۍ د امنيت بيمې لومړۍ کرښه ده او له نړۍ سره زموږ پايداره اړيکې د همدې قربانۍ محصول دي.))

ولسمشر زياتوي، هغه عمليات او نيونې چې د ملي امنيت د راپورونو پايله وه، ښې لاسته راوړنې دي او نن خلک ډاډه دي چې د تروريستي پېښو عاملان به خپله سزا وويني."

په خبرپاڼه کې راغلي چې په دې کتنه کې د ملي امنيت لوی رئيس محمد معصوم ستانکزي، عبدالمتين ګوهر، عبدالجليل ظاهر، احمد ضيا سراج او بشيراحمد خبرې وکړې او د هېواد له امنيتي او دفاعي ځواکونو يې د جمهور رييس د همېشنۍ څارنې او ملاتړ مننه وکړه.

ورته راپورونه:

نظر ورکړئ

اعلانونه

Advertisement