ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

په کندهار کې د ښځینه محصلینو لپاره د لیلیې د ودانۍ جوړولو چارې پیل شوې

په کندهار کې د ښځینه محصلینو لپاره د لیلیې د ودانۍ جوړولو چارې پیل شوې

author avatar
23 Jan 2019 - 19:41
په کندهار کې د ښځینه محصلینو لپاره د لیلیې د ودانۍ جوړولو چارې پیل شوې
author avatar
23 Jan 2019 - 19:41

کندهار (پژواک، ۳ سلواغه ۹۷): په کندهار ښار کې د ښځینه محصلینو لپاره د لیلیې جوړولو چارې نن د سلواغې په ۳مه پیل شوې.

د ښځینه محصلینو د لیلیې دغه ودانۍ د کندهار پوهنتون اړوند په کدري روغتون کې جوړېږي.

په دغو مراسمو کې د کندهار ولایت مرستیال او سرپرست عبدالحنان منیب، د لوړو زده کړو وزارت علمي مرستیال عبدالتواب بالاکرزي، د کندهار پوهنتون رییس ډاکټر حضرت میر توتاخېل او نورو چارواکو ګډون کړی وو.

د کندهار ولایت مرستیال او سرپرست عبدالحنان منیب پژواک اژانس ته وویل، د ښځینه محصلینو لپاره د لیلیې ودانۍ د ولسمشر په ځانګړې پاملرنه جوړېږي.

هغه زیاته کړه، دغه ودانۍ د ۶ پوړو او په هر پوړ کې د ۲۰ خونو په لرلو په ۹ زره متره مربع ځمکه کې د ۱۵۲ میلیونه افغانیو په لګښت جوړېږي چې چارې به یې له ۱۲ تر ۱۴ میاشتو پورې به بشپړې شي.

دی وايي، د دغې د ودانۍ د جوړولو لګښت د ولسمشرۍ ماڼۍ له خوا ورکول کېږي چې د ۴ زره ښځینه محصلینو د ځایونو وړتیا به ولري.

د لوړو زده کړو وزارت علمي معین عبدالتواب بالاکرزي وویل، د دغې لیلې په جوړولو سره به هغو محصلینو ته د زده کړې او استوګنې اسانتیاوې برابرې شي چې له نورو ولایتونو څخه کندهار ته د لوړو زده کړو لپاره راځي.

هغه زیاته کړه، دغه معیاري لیلیه به د محصلینو لپاره د اړتیا وړ ټولې پرمختللې اسانتیاوې ولري.

د یادنې ده چې د کندهار پوهنتون لپاره د یوې بلې ورته لیلیې جوړول هم په پلان کې دي.

چارواکي وايي، د لیلیې دغه ودانۍ چې په نږدې راتلونکې کې به یې د کندهار پوهنتون په احاطه کې د جوړولو چارې پیل شي، په عین لګښت او عین شرایطو جوړېږي چې هغه به هم د ۴ زره محلصلینو د ځایولو وړتیا ولري.

login or register a new account.

ورته موضوع

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.