د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د کابل ښار د منډوي اورلګېدنه کې له ۵۰ ډېرې هټۍ سوځېدلې دي

د کابل ښار د منډوي اورلګېدنه کې له ۵۰ ډېرې هټۍ سوځېدلې دي

Jan 27, 2019 - 11:02

دویم تعقیب (پژواک، ۷ سلواغه ۹۷): د کورنیو چارو وزارت وايي چې د کابل ښار په منډوي کې نن سهار د اورلګېدونې له امله د میلاد مارکېټ له ۵۰ ډېر دوکانونه سوځېدلي دي.

دغه اورلګېدنه نن سهار ۶:۳۰ بجې پیل او شاوخوا شپږ ساعته یې دوام وکړ.

د کورنیو چارو وزارت ویاند نجیب دانش د پېښې په سیمه کې رسنیو ته وویل، تر اوسه د یادې اورلګېدنې لامل نه دی روښانه شوی، خو د پلټنې ټېم یې په اړه څېړنې کوي.

هغه زیاته کړه، اور لومړى د میلاد مارکېټ په یوه دوکان کې پیل او وروسته د یادې ودانۍ څلورو پوړونو ته و غځېد.

د هغه په خبره، په دې اورلګېدنه کې له پنځوسو ډېر دوکانونه سوځېدلي خو ځینې دوکانداران توانېدلي چې خپل دوکانونه خالي کړي.

ده وویل، د اور وژنې عمله په وخت د پېښې ځای ته رسېدلې خو د ودانیو د غیرمعیاريتوب له امله یې په ډېره سختۍ اور مړ کړی دی.

خو نوموړي وویل، د اور وژنې عمله توانېدلې چې نږدې مارکېټونو ته د اور د غځېدو مخه ونیسي.

د کورنیو چارو وزارت ویاند زیاته کړه، پولیسو هغه لس کسان هم نیولي چې د یاد مارکېټ د دوکاندارانو مالونه یې غلا کول.

د پېښې یو زیانمن نقیب الله وویل، اورلګېدنه لومړى له یوه دوکانه پیل شوه او بیا د میلاد ټول مارکېټ او بالاخره داوي او ریحان مارکېټونو ته هم يوڅه ورسېده.

هغه د مېلاد مارکېټ لوړو پوړونو او نږدې نورو مارکېټونو ته د اور د رسېدو لامل د اور وژنې د عملې د کارکوونکو تر منځ د همغږۍ نه شون یاد کړ او ویې ویل، که اطفایه په مناسب وخت رارسېدلې وای اورلګېدنې زیات زیانونه نه اړول.

ورته راپورونه:

نظر ورکړئ

اعلانونه

Advertisement