د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

"کندهار کې هوايي برید د دوو ځانمرګو په ګډون ۱۳ وسله وال وژلي"

"کندهار کې هوايي برید د دوو ځانمرګو په ګډون ۱۳ وسله وال وژلي"

Feb 03, 2019 - 18:09

کندهار (پژواک، ۱۴ سلواغه ۹۷): په کندهار کې مېشتو بهرنیو ځواکونو د دغه ولایت په شاولیکوټ ولسوالۍ کې هوايي برید کړی چې پر مهال یې ۱۳ وسله وال وژل شوي دي.

دغه برید تېره شپه د يادې ولسوالۍ په وچ باختو سیمه کې شوی دی.

د کندهار د والي ویاند عزیز احمد عزیزي پژواک خبري اژانس ته وویل چې بهرنیو ځواکونو د شاولیکوټ د وچ باختو په سیمه کې یوه ډله وسله وال له هوا څخه په نښه کړي دي.

هغه زیاته کړه، په دې برید کې د دوو ځانمرګو په ګډون ۱۳ وسله وال وژل شوي او د هغوی وسلې او یو شمېر وسایط هم له منځه وړل شوي دي.

د ده په خبره، دغه هوايي برید د دقیقو معلوماتو پر بنسټ شوی او نور چا ته په کې زیان نه دی اوښتی.

وسله والو طالبانو تراوسه په دې اړه رسنیو ته څه نه دي ویلي.

شاولیکوټ ولسوالي  له کندهار ښار  څخه  ۴۰ کیلومتره لرې شمال  لور ته  واقع ده چې له تېرې څه مودې راهیسې په کې د وسله والو خلاف علمیات روان دي.

په دغو عملیاتو کې تر دې مهاله لسګونه وسله وال وژل شوي او د ځنګل په ګډون ډېرې سیمې له وسله والو پاکې شوې دي.

چارواکي وايي، په دې ولسوالۍ کې پيل شوي عملیات د کندهار د ګڼو ولسوالیو او کندهار- اروزګان لارې د امنیت لپاره مهم دي، ځکه د دغې ولسوالۍ له یو شمېر سیمو وسله والو د خپلو روزنیز مرکزونو په توګه کار اخیست.

ورته راپورونه:

نظر ورکړئ

اعلانونه

Advertisement