ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

پولیس: تخار کې د همصدا راډيو د کارکوونکو وژل کېدو موضوع جدي څېړو

پولیس: تخار کې د همصدا راډيو د کارکوونکو وژل کېدو موضوع جدي څېړو

author avatar
6 Feb 2019 - 14:44
پولیس: تخار کې د همصدا راډيو د کارکوونکو وژل کېدو موضوع جدي څېړو
author avatar
6 Feb 2019 - 14:44

تالقان (پژواک، ١٧ سلواغه ٩٧): د تخار امنيتي چارواکي وايي چې د همصدا راډيو د دوو کارکوونکو د وژل کېدو په اړه يې جدې پلټنې پيل کړې، څو عاملين يې ونيول شي.

د همصدا راډيو رييسې سيمين همصدا د سلواغې په ١٧مه پژواک خبري اژانس ته وويل چې تېره شپه ناپېژاندو وسله والو یې دوه کارکوونکي وژلي دي.

هغې وويل: ((ناپېژاند وسله وال راغلي، د دروازې ساتونکى او د راډيو يو وياند شفيق اريا يې يو کوټې ته بيولي او هلته يې بيا دواړه په مرميو ويشتلي او وژلي یې دي.))

نوموړې وويل چې له دې مخکې دوى ته د وسله والو مخالفينو او يا هم د نورو له لوري هېڅ ډول ګواښ نه و شوى.

همصدا له امنيتي مسوولينو غوښتنه وکړه چې په دغه ولايت کې د رسنيو او د رسنيو د کارکوونکو امنيت ته جدي پاملرنه وکړي.

په دې اړه په شمال زون کې د کابل پرېس کلپ مسوول اجمل کاکړ پژواک ته وويل چې دا د رسنيو لپاره يوه ډېره دردوونکي پېښه ده.

هغه وويل: ((که د رسنيو امنيت ونه ساتل شي او د همصدا راډيو په څېر يې کارکوونکي ووژل شي، ډېرې رسنۍ به وتړل شي.))

خو د تخار امنيه قوماندان مل پاسوال عبدالرشيد بشير بيا پژواک ته وويل چې د همصدا راډيو د دوو کارکوونکو د وژلو د پېښې په اړه يې جدي پلټنې پيل کړې، څو عاملين يې ونيول شي.

هغه وايي: ((د دې راډيو مسوولينو تر اوسه موږ ته د امنيتي تهديد په اړه هېڅ ډول شکايت نه و کړى، که هره رسنۍ له تهديد سره مخ وي، موږ ته دې شکايت وکړي يا تهديد له منځه وړو او يا يې هم د امنيت د ټينګښت لپاره سرتېري ورکوو.))

د يادونې ده، دا مهال په تخار ولايت کې د دوو خصوصي ټلوېزيونونو تر څنګ د لسو په شاوخوا کې خصوصي راډيوګانې هم فعاليت کوي.

login or register a new account.

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.