د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

خوست کې چاودنې درې تنه ووژل

خوست کې چاودنې درې تنه ووژل

Feb 08, 2019 - 09:55

خوست ښار (پژواک، ۱۹ سلواغه ۹۷): په خوست کې په يوه کور کې د چاودنې له امله د دوو سړيو او يوې ښځې په ګډون درې کسان وژل شوي او د دوو ماشومانو په ګډون درې نور ټپيان دي.

د خوست امنيه قوماندان مل پاسوال اخترمحمد نوروزي پژواک خبري اژانس ته وويل چې دغه پېښه تېره شپه ٧ بجې د دې ولايت د مرکز اړوند د ګلزار اکا په سيمه کې په يوه کور کې شوې ده.

نوموړي د چاودنې د نوعيت په اړه څه ونه ويل، خو زياته يې کړه چې د پلټنې لپاره سيمې ته د دوی پرسونل تللی او جزئيات به يې وروسته په ډاګه شي.

خو د امنيه قوماندانۍ يوې بلې سرچينې د نوم نه ښودلو په شرط پژواک ته وويل چې دغه کسان د ماين پر جوړولو لګيا وو چې پرې چاودلی دی.

د سرچينې په وينا، په چاودنه کې د ياد کور دوه سړي او يوه ښځه وژل شوې او د دوو ماشومانو په ګډون درې نور ژوبل دي.

په همدې حال کې د خوست د ملکي روغتون مسوولين وايي، له دې پېښې يې ورته څوک نه دي ور وړي، خو په خوست ښار کې د بابري ګل په نوم د شخصي کلينيک يو تن ډاکټر پژواک ته وويل، چې دوی ته تېره شپه د پېښې له ځايه دوه مړي او درې ټپيان ور وړل شوي دي، چې په مړو کې يوه ښځه هم شامله ده.

ورته راپورونه:

نظر ورکړئ

اعلانونه

Advertisement