فیروزکوه (پژواک، ۲۰ سلواغه ۹۷): د غور پولیس وايي، د دې ولایت په منار جام پوستې د طالبانو بريد پر شا تمبول شوی دی؛ خو خورې ورې نښتې جریان لري.
د غور امنیه قوماندان مل پاسوال شاه اغا شتاب، پژواک خبري اژانس ته وویل چې طالبانو نن شاوخوا ۱۲ بجې د شهرک ولسوالۍ جام کلي له استقامت څخه د منارجام پر امنیتي پوسته برید وکړ.
هغه زیاته کړه چې طالبان په دې برید کې مات شوي او د منار جام ساتونکو له لوري پرشا تمبول شوي دي.
د نوموړي په وینا، په یاد برید کې یو ملي پولیس ټپي شوی او طالبانو ته هم مرګ ژوبله اوښتې ده.
هغه زیاته کړه چې نښته اوس هم خوره وره او په وقفه يي ډول دوام لري.
وسله والو طالبانو تراوسه په دې اړه څه نه دي ویلي.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن