د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

په کندهار کې له بېوزلو مېرمنو سره د روغتیايي مرستو پروګرام پيل شو

په کندهار کې له بېوزلو مېرمنو سره د روغتیايي مرستو پروګرام پيل شو

Feb 12, 2019 - 18:05

کندهار (پژواک، ۲۳ سلواغه ۹۷): په کندهار کې له بېوزلو مېرمنو سره د روغتیايي مرستو ملي پروګرام پیل شو.

د دغه پروګرامه په پرانيسته کې د کندهار ولایت سرپرست عبدالحنان منیب پژواک خبري اژانس ته وویل، د دغه پروګرام له لارې به له هرې مېرمنې سره چې عمر یې له ۱۵ کلونو پورته وي او روغتیايي مرکزونو ته د ځان او یا ماشوم د درملنې په موخه ورځي، د درملنې تر څنګ ۵۰۰ افغانۍ نغدي مرسته هم ورسره کېږي.

هغه زیاته کړه، دغه پروګرام د کندهار ښار او ۱۵ ولسوالیو په ۴۵ روغتیايي مرکزونو کې پلی کېږي چې څه له پاسه ۳۷ میلیونه افغانۍ ورته د جمهوري رياست له خوا ځانګړې شوې دي.

د کندهار د عامې روغتیا رییس ډاکټر عبدالقیوم پخلا د بې وزلو مېرمنو لپاره دا پروګرام ګټور وګاڼه او ویې ویل، په دې توګه بې وزلې مېرمنې دا توان پیدا کړي چې د ځان او ماشوم وړیا درملنه وکړي.

هغه زیاته کړه، دغه پروګرام به ماشومانو ته د پولیو او نورو واکسینونو ورکولو په برخه کې هم ګټور تمام شی او یوه ډول تشویقي بڼه به ولري.

د کندهار د ښځو چارو رییسې رقیې اڅکزۍ د جمهوري ریاست د دې اقدام هر کلی وکړ او له ولسمشر څخه یې مننه وکړه چې مېرمنو ته یې پاملرنه ډېره کړې ده.

هغې زیاته کړه، په ولسوالیو کې مېشتې ډېرې مېرمنې د بې وزلۍ له امله د ځان او ماشومانو د درملنې توان نه لري چې د دې پروګرام په وسیله به له وړیا روغتیايي خدماتو او نغدي مرستې څخه برخمنې شي.

ورته راپورونه:

نظر ورکړئ

اعلانونه

Advertisement