د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

فراه کې د سېلابونو له امله ٧ کسان مړه او ٨٠٠ کورنۍ بېځايه شوې دي

فراه کې د سېلابونو له امله ٧ کسان مړه او ٨٠٠ کورنۍ بېځايه شوې دي

Feb 14, 2019 - 14:24

فراه (پژواک، ٢٥ سلواغه ٩٧): د سېلابونو له امله د فراه د پشتکوه ولسوالۍ د انځيران په سيمه کې ٧ کسان مړه او ٨٠٠ کورنۍ بېځايه شوي او په اناردره ولسوالۍ کې هم لس کورونه او هټۍ نړېدلي دي.

د سيمې يو اسېدونکي جليل احمد پژواک خبري اژانس ته وويل چې د وړمې شپې او تېرې ورځې د ورښتونو له امله په دغو سېلابونو کې د يادې سيمې اتيا د هستوګنې کورونه نړېدلي دي.

د ده په وينا، په مړو کې دوه ماشومان او دوې ښځې شاملي دي او اوبو درې نور کسان له بلې سيمې انځيرانو ته راوړي چې دى يې نه پېژني.

هغه وويل چې  ٨٠٠ کورنۍ شاوخوا کليو ته بېځايه شوې او  بېړنيو مرستو ته اړتيا لري.

د پشتکوه ولسوال عبدالحکيم نوري هم تاييدوي چې له يادې سيمې اته سوه کورنۍ بېځايه شوې خو وايي ده د سېلاب له امله د څلورو کسانو د مړينې راپور ترلاسه کړي دى.

دغه راز د فراه د اناردرې ولسوالۍ يو اوسېدونکى محمد ناصر وايي چې وړمه شپه په اناردره کې هم لس کورونه او هټۍ د سېلابونو له امله نړېدلي دې.

د فراه د پېښو لپاره د تياري رياست مشر عبدالقدير الهام وايي، پشتکوه ته يې پلاوى استولى څو زيانونه وڅېړي او بيا يې له مخې له اړو کورنيو سره مرستې وکړي.

دى وايي چې پر اناردرې سربېره د فراه په مرکز او خاکسفېد ولسواليو کې هم سېلابونو ځيني خلک زيانمن کړي دي.

تېره ورځ د هرات په انجيل او ګذرې ولسواليو کې هم د سېلابونو له امله څلور کسان مړه او شپږ نور ټپيان وو.

ورته راپورونه:

نظر ورکړئ

اعلانونه

Advertisement