د پژواک خدمتونه

د انځورونو څانګه

غږيزه څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د کندهار په ښوراوک کې ۲۵ وسله والو او ۱۱ پولیسو ته مرګ ژوبله اوښتې ده

د کندهار په ښوراوک کې ۲۵ وسله والو او ۱۱ پولیسو ته مرګ ژوبله اوښتې ده

Feb 16, 2019 - 08:50

کندهار (پژواک، ٢٧ سلواغه ۹۷): د کندهار په ښوراوک ولسوالۍ کې د وسله والو او سرحدي پولیسو ترمنځ جګړه شوې چې پر مهال یې ۲۵ وسله والو او ۱۱ سرحدي پولیسو ته مرګ ژوبله اوښتې ده.

جګړه د دې ولسوالۍ د سرو څاهانو په سیمه کې شوې ده.

د کندهار امنیه قوماندان تورن جنرال تادین خان پژواک خبري اژانس ته وویل، د ښوراوک ولسوالۍ په سرو څاهانو سیمه کې د وسله والو او سرحدي پولیسو ترمنځ هغه مهال سخته جګړه ونښته چې لسګونو وسله والو د سرحدي پولیسو پر یوې قرارګاه برید وکړ.

هغه زیاته کړه، د دواړو لورو ترمنځ څو ساعته جګړه شوې چې پر مهال یې ۱۶ وسله وال وژل شوي او ۹ نور ټپيان شوي، دغه راز ۹ پولیس هم وژل شوي او ۲ ټپيان شوي دي.

خو وسله وال طالبان په دې جګړه کې تر شلو د ډېرو سرتېرو وژل کېدو ادعا کوي.

د دې ډلې ویاند قاري یوسف احمدي وايي، په یوه وسله وال برید کې يې په دغه سیمه کې د دولتي ځواکونو مهم مرکز (د ونې قرارګاه) نیولی او ۲۳ سرتېري یې وژلي چې جسدونه یې د جګړې په ډګر کې پاتې شوي دي.

دغه راز دی ادعا کوي یوه اندازه وسلې او وسایط د دوی لاس ته ورغلي دي.

خو چارواکي دا ادعاوې ردوي.

د کندهار د سپین بولدک او ښوراوک ولسوالۍ ترمنځ د سرو څاهانو سیمه له تېرو څو میاشتو راهیسې د ورته بریدونو شاهده ده.

په دې سیمه کې تر دې وړاندې هم وسله والو د امنیتي ځواکونو پر پوستو بریدونه کړي چې دواړو لورو ته په کې مرګ ژوبله اوښتې ده.

سپین بولدک او ښوراوک ولسوالۍ دواړه ډیورنډ فرضي کرښې ته څېرمه پرتې دي چې د چارواکو په وینا، وسله وال د کرښې له هغې غاړې راځي او دلته له بریدونو وروسته بیرته ځي.

ورته راپورونه:

نظر ورکړئ

اعلانونه

Advertisement

Etisalat Get more data, Etisalat Afghanistan